Венгрия ЕО мен НАТО ның күшті одақтасына айналады Мадьяр

АСТАНА, 13 сәуір – Sputnik. Венгриядағы парламент сайлауында жеңіске жеткен "Тиса" партиясының төрағасы Петер Мадьяр елдің Еуропалық Одақ пен НАТО-ның "күшті одақтасына" айналатынын мәлімдеді.

"Венгрия қайтадан Еуроодақ пен НАТО-ның күшті одақтасына айналады", — деді Мадьяр Будапештте өз жақтастары алдында сөйлеген сөзінде.

Сондай-ақ, ол соңғы сағаттарда Германия канцлерімен, Франция президентімен, Еуропарламенттегі "Еуропалық халық партиясы" фракциясының төрағасымен, Еурокомиссия төрағасымен, Хорватия премьер-министрімен және НАТО-ның бас хатшысымен телефон арқылы сөйлескенін хабарлады.

Мадьярдың айтуынша, ол алғашқы шетелдік сапарын Польшаға, екіншісін Австрияға жасауды, содан кейін Брюссельге аттануды жоспарлап отыр.

Венгрия билігі "Тиса" партиясы билікке келген жағдайда еуропалық саясатты ұстанады және Брюссельдің Украинаны ЕО-ға қабылдау және Киевті қаржыландыру бойынша талаптарынан бас тарта алмайды деп бірнеше рет мәлімдеген болатын.