Венгрия премьер министрі Еуроодақтың Ресейге қарсы санкцияларын сынға алды

АСТАНА, 31 наурыз – Sputnik. Еуроодақтың Ресейге қарсы санкциялары Венгрияның ұлттық мүдделеріне қайшы келеді, себебі Венгрияның өзі елеулі шығындарға ұшырап отыр, деп мәлімдеді Венгрия премьер-министрі Виктор Орбан.

"Ресейге қарсы санкциялар Венгрияның мүдделеріне қайшы келеді, себебі біз зардап шегеміз. Біз венгр компаниялары жұмыс істейтін Ресейдегі көптеген инвестициялық және бизнес мүмкіндіктерін жоғалтып жатырмыз", - деді Орбан венгрлік Öt порталына берген сұхбатында.

Премьер-министрдің айтуынша, Венгрияның Ресей мұнайы мен газына қол жеткізуі шектеліп, сондықтан мұны болдырмау үшін күн сайын күрес жүріп жатыр.

"Брюссельдің санкциялар саясаты энергия бағасының өсуіне әкелгендіктен, біз энергия үшін бұрынғыдан әлдеқайда көп төлеуге мәжбүрміз. Сондықтан Ресейге қарсы барлық экономикалық санкцияларды ішінара венгрлер төлеп отыр", - деді Орбан.

Ресей бірнеше жыл бұрын Батыстың Ресейге қарсы қолдана бастаған және күшейе түскен санкциялық қысымға төтеп беретінін бірнеше рет мәлімдеді. Мәскеу Батыстың Ресейге қарсы санкциялардың сәтсіздігін мойындауға батылы жетпейтінін мәлімдеді. Батыс елдерінің өздері Ресейге қарсы санкциялардың тиімсіз екендігі туралы бірнеше рет пікір білдірді.