Еуроодақтың Ресейге қарсы санкцияларының 21 ші пакеті соңғы болуы мүмкін

АСТАНА, 27 шілде – Sputnik. Ресейге қарсы Еуроодақ санкцияларының 21-ші пакеті соңғы болуы мүмкін, деп хабарлады Financial Times газеті еуропалық шенеуніктерге сілтеме жасай отырып.

"Енді бұл тәсілдің жұмыс істемейтіні белгілі болды", - деді газет дереккөздерінің бірі.

Газеттің хабарлауынша, Еуропалық Одақ елдер арасындағы келіспеушіліктер туындағандықтан, шектеу шараларының негізгі пакеттерінен бас тартуы мүмкін. Жақында дипломаттар Грецияның Ресейдің сұйытылған табиғи газын үшінші елдерге тасымалдауға тыйым салуға қарсылығына байланысты ұзақ уақыт бойы санкциялар бойынша келісімге келе алмады.

Брюссель қазіргі уақытта бұл мәселеге жаңа тәсілді қарастырып жатыр, деп хабарлады Financial Times.

Еуроодақ Кеңесі бейсенбі күні шектеулердің 21-ші пакетін мақұлдады. Оған Ресейдің энергетикалық, қаржы және қорғаныс салаларына шектеулер кіреді, сондай-ақ жеке тұлғалар мен ұйымдардың санкциялар тізімдері кеңейтіледі.