World Skills: жас шеберлердің додасы

Ел астанасында өтіп жатқан WorldSkills чемпионатының қатысушыларына берілген тапсырмалар расымен таңдай қақтырады.

Олар дрон жинап, мастикадан мүсіндер жасап жатыр. Сонымен қатар студенттер үш күнде шағын көлемдегі шынайы зауыттың үлгісін құруы қажет. Айта кетейік, еңбек адамының әлеуетін кеңейтуді мақсат тұтқан сайыста еліміздің әр аймағынан 800-ден астам қатысушы мен 700-ден аса сарапшы сынға түседі. Бұл ретте өндірістік, инженерлік, ақпараттық технологиялар, сервис, құрылыс, әлеуметтік қызметтер және креативті индустрия бағыттарына басымдық беріліп, сол бойынша қатысушылар бақтарын сынамақ.  Бүгінде колледждер Қазақстан экономикасы үшін нағыз маман даярлайтын орталыққа айналып келеді.

Санжар Тәтібеков, ҚР Оқу-ағарту министрлігіне қарасты «Талап» ұйымының басшысы:

- WORLD SKILLS-та 6 бағыт бар. Құрылыс саласы, айти саласы, қызмет көрсету саласы, транспорт және инженерия саласы деуге болады. Биылғы жылы киберқауіпсіздік, дрондарды басқару құзіреттілігі қосылды. Осындай экономикаға қажетті мамандықтардың бәрі кіреді.