Ыстықтан қашу : туристер жағажай демалысын Исландия мұздықтарына алмастыруда

Туроператорлар соңғы жылдардағы жаңа үрдісті байқап отыр: туристер ыстық елдердің орнына мұздықтарды таңдай бастаған, деп хабарлайды Tengri Travel түріктің Turizm Günlüğü басылымына сілтеме жасап.

Туроператорлар соңғы жылдардағы жаңа үрдісті байқап отыр: туристер ыстық елдердің орнына мұздықтарды таңдай бастаған, деп хабарлайды Tengri Travel түріктің Turizm Günlüğü басылымына сілтеме жасап.

Жыл санап күшейіп бара жатқан аптап салдарынан мыңдаған турист Түркия, Грекия, Италия және Испанияның дәстүрлі жағажайларын Исландия, Норвегия және Финляндияның салқын пейзаждарына алмастыруды ұйғарды.

Мұндай "климаттық қашуға" тек рекордтық температура ғана емес, сонымен қатар адам толы курорттардан аулақ болуға деген ұмтылыс та себеп болды. Туристер қажытатын ыстықтан гөрі жайлы салқындықты жөн көріп, табиғат аясында оңашалануды жиі іздейтін болған.

Бұл үрдіс әсіресе жастар арасында айқын байқалады: Z буынының өкілдері солтүстік бағыттарды өздерінің "бэби-бумер" буынындағы ата-аналарына қарағанда 2,5 есе жиі таңдайды.

"Біз сарапшылар coolcation (салқын демалыс – ред. ескертпесі) деп атап үлгерген жаңа трендтің қалыптасуын байқап отырмыз. Бұл жай ғана орын ауыстыру емес, табиғат сұлулығы мен адамның аздығы кепілдендірілген күнге күюден маңыздырақ болатын жайлылыққа жасалған саналы таңдау", - дейді нарық сарапшылары.

"Ыстықтан қашу индексі" бойынша Исландия көш бастап тұр, одан кейін танымалдылық рейтингінде Финляндия, Норвегия және Швеция орналасқан. Бұл тізімді жасау кезінде термометрдің орташа көрсеткіштері ғана емес, сонымен қатар түнгі температура, халық тығыздығы және жабайы табиғаттағы кемпинг сияқты белсенді демалыс мүмкіндіктері де ескерілді.

Теңіз жағасындағы демалыстан толық бас тартуға дайын емес жандар үшін Франция, Испания және Португалияның атлантикалық жағалаулары балама нұсқаға айналды. Бұл аймақтар "аптап" Жерорта теңізімен салыстырғанда әлдеқайда жұмсақ климат ұсынады.

Италия мен Франция әзірге сатылым бойынша көш басында болғанымен, сарапшылар мынаған сенімді: егер аптап жыл сайын қайталанатын құбылысқа айналса, солтүстік бағыттардың танымалдылығы тек арта түспек.

Google News арқылы жаңалықтарымызды қадағалаңыз