Зеленский: АҚШ қауіпсіздік кепілдігі үшін Украинаның Донбасстан шығуын талап етуде

Украина президенті Владимир Зеленский Reuters агенттігіне берген сұхбатында Дональд Трамп әкімшілігі Украинадан өз бақылауындағы Донбасс аумағынан әскерін шығаруды талап етіп жатқанын тағы да айтты. Осы жағдайда ғана Украина АҚШ-тан белгілі бір қауіпсіздік кепілдіктерін ала алады. Зеленский мұны қауіпті қадам деп санайды, соның ішінде Трамптың өзі үшін де, деп хабарлайды Arasha.kz.

«Америкалықтар Украина Донбасстан шығуға дайын болған кезде, бұл [қауіпсіздік] кепілдіктерін жоғары деңгейде рәсімдеуге дайын. Меніңше, Ресей тарапы америкалықтармен диалогында дәл осы идеяның төңірегінде атмосфера қалыптастырып отыр: яғни Украина Донбасстан кетуі керек, сонда АҚШ Украинаға ол қалаған қауіпсіздік кепілдіктерін береді, ал ресейліктер соғысты міндетті түрде тоқтатады. Біз шамамен осындай "үшбұрыштың" ішінде қалдық».

«Донбасстан кету бұл дұрыс емес, моральға қайшы және тағысын тағы екенін түсінесіздер, бірақ бүгінгі күні Донбасстан кету  бұл Украинаның қорғаныс шебінің әлсіреуі дегенді де білдіреді».

«Сондықтан мен елдің шығыс бөлігінен шығу Украина үшін үлкен тәуекел деп есептеймін. Еуропа үшін де. Сонымен қатар, сәтсіздікке ұшыраған бейбітшілік  Трамп пен оның командасы үшін де үлкен қауіп. Сондықтан бізге сөйлесу керек... Жақын арада үш тарап та бейбітшілікті қалайтын болғандықтан, оларға аумақтар мен қауіпсіздік кепілдіктері мәселесін талқылау үшін кем дегенде басшылық деңгейінде бір кездесу өткізу қажет. Бұл екі негізгі мәселе: аумақтар және қауіпсіздік кепілдіктері. Мұндағы делдал  АҚШ. Барлық қажетті мүмкіндіктер олардың қолында деп есептеймін».