Зеленский Ресейдің соққысынан кейін мәлімдеме жасады

АСТАНА, 11 шілде – Sputnik. Владимир Зеленский Украинаның әуе қорғанысы Ресейдің баллистикалық зымырандарына төтеп бере алмайтынын мойындап, тағы да Батысқа жүгінді, деп хабарлайды РИА Новости.

Оның мәліметінше, өткен түні Киевтегі нысандарға бағытталған алты баллистикалық зымыранның бірде-бірі атып түсірілмеген.

"Азаматтарымызды қорғауға арналған қолдау пакеттері бойынша НАТО саммитінде серіктестеріміз берген уәделердің толық орындалуын күтеміз", – деп жазды Зеленский өзінің Telegram-арнасында.

Сонымен қатар ол Patriot лицензияларына қатысты келісімдер бойынша мүмкіндігінше тезірек алға жылжу қажет екенін атап өтті.

Өткен түні Киев пен Одесса облысындағы әскери нысандарға соққы жасалды. Украина астанасында шабуылдың негізгі нысанасы алыс және орта қашықтықтағы ұшқышсыз ұшу аппараттарын өндірумен және сақтаумен айналысатын кәсіпорындар болды. Ал елдің оңтүстігінде порт инфрақұрылымына тиесілі нысандарға соққы берілгені хабарланды.