Жамбыл облысында малшылар қаруды заңсыз сақтағаны үшін айыппұл төледі

Биылғы мамыр және маусым айларында полиция қызметкерлері мал жаюға арналған шаруашылықтарды тексеру барысында тіркелмеген «ТОЗ-Б» және «ИЖ-18» маркалы 12 калибрлі тегіс ұңғылы аңшылық қаруларының рұқсат құжаттарынсыз сақталғанын анықтады.

Атыраулық жылдар бойы үйінде сақталған Winchester 1895 қаруын полицияға тапсырды

Құқықбұзушылардың кінәсі әкімшілік хаттамалармен, полиция қызметкерлерінің рапорттарымен, заттай айғақтармен және сараптама қорытындыларымен дәлелденді. Малшылар кінәларын мойындады. Олардың бірінің айтуынша, қаруды ол мал бағып жүрген кезде даладан тауып алған.

Сот қаулысымен екі азамат та Әкімшілік құқық бұзушылық туралы кодекстің 482-бабының 1-бөлігі бойынша кінәлі деп танылды. Біріне 60 550 теңге, екіншісіне 86 500 теңге көлемінде айыппұл салынды.

Сот қаулылары заңды күшіне енді.

Өзен жағасынан XIX ғасырдың қаруы табылды