Жамбыл облысында жолаушылар автобусы жол апатына ұшырады, қазақ тапқандар бар

Жамбыл облысында жолаушылар мінген автобус тайғақ жолда Volkswagen Golf автокөлігімен соқтығысқан. Соқтығыс салдарынан жеңіл көліктің жолаушысы қаза тапты, деп хабарлайды Arasha.kz.

Апат Жамбыл ауданының аумағында, облыстық маңызы бар «Саудакент – Тараз» автожолында болған, деп жазды Halyqstan телеграм арнасы.

Volkswagen жүргізушісі ауруханаға жеткізілді. Автобус жолаушылары арасында зардап шеккендер жоқ.

Жол-көлік оқиғасы фактісі бойынша қылмыстық іс қозғалды.

– Алдын ала мәліметтер бойынша, Van Hool маркалы автобустың жүргізушісі рульге ие бола алмай, қарсы бағытта келе жатқан Volkswagen Golf автокөлігімен соқтығысуға жол берген. Қазіргі уақытта оқиғаның барлық мән-жайын анықтауға бағытталған жан-жақты тергеу шаралары жүргізіліп жатыр, – деп атап өтті Жамбыл облыстық полиция департаментінен.