Жанармай бекеті, кемпинг және 50 жұмыс орны: Атырауда созбалаңға салғаны үшін мемлекеттік қызметкер жазаланды

Атырау облысында прокуратураның араласуымен 1 млрд теңгелік инвестициялық жоба заңсыз кедергілерден қорғалды.

Мамандандырылған табиғат қорғау прокуратурасы Инвесторлардың құқықтарын қорғау комитетімен бірлесіп, «Адал Газ Ойл Атырау» ЖШС-нің жанармай бекеті, кемпинг орталығы және қоғамдық тамақтану нысандарын салу жобасына бөгет болған негізсіз шешімдерді жойды.

Инспекция тарапынан келісім беруден заңсыз бас тарту салдарынан құрылыс бірнеше айға кешіктірілген еді.

Прокуратураның қадағалауынан кейін бұл шешім күшін жойып, әкімшілік тосқауылдар алынып тасталды. Нәтижесінде жоба іске қосылған соң 50 жаңа жұмыс орны ашылмақ.

Қадағалау актісі бойынша инспекция бөлімінің басшысы тәртіптік жауапкершілікке тартылды. 

Прокуратура органдары инвесторлардың құқықтарын қорғау мен инвестициялық жобаларды сүйемелдеуді ерекше бақылауда ұстап отыр.

20 тамыз, 12:18