Атырауда 21 мың жаңа жұмыс орны ашылады

Атырауда биыл «Өңірлік жұмыспен қамту» картасы шеңберінде 21 мыңға жуық жұмыс орны ашылады. Оның 11 мың 700-і тұрақты жұмыс орындары болмақ. 

Сондай-ақ өзін-өзі жұмыспен қамтуға ниет еткен азаматтарға қайтарымсыз грант беру қарастылған. Былтыр жергілікті «Мансап» орталықтарына 66 мыңнан астам азамат хабарласқан болатын. Оның 39 мыңы жұмыспен қамтудың белсенді шараларына тартылды. Сондай-ақ мұнай-газ компаниялары арқылы жұмыссыздарды қайта оқыту курстарында 4,5 мыңдай адам мамандық алды. Былтыр мекеме-кәсіпорындардағы бос жұмыс орындарына 50-ден астам жәрмеңке ұйымдастырылып, 1800-дей адама жұмысқа орналасқан еді. Бұл шаралар биыл да жалғасады. Сала мамандары «мақсатымыз – әлеуметтік қолдау алатын тұлғалардың қатарын азайтып, тұрғындарды еңбекке тарту», - дейді.

Еркебұлан Әбілқасымов, Облыстық жұмыспен қамту және ӘБ басқармасы басшысының орынбасары:

-  2026-шы жылға жұмыспен қамтудың белсенді шараларына 41 мың адамды қамтитын боламыз. Оның ішінде көп балалы, аз қамтылған, АСП алатын және мүмкіндігі шектеулі бала тәрбиелеуші аналарға 330 адамға өзін-өзі қамту үшін гранттар беріледі. Сонымен қоса 6 мыңға жуық адамды субсидиялы жұмыс орындарына жіберетін боламыз. Онан бөлек кәсптік бағдарламасымен 15 мың адамды қамтимыз.