Жапонияда қылмыс төртінші жыл қатарынан өсіп отыр

Ұлттық полиция басқармасының деректеріне сүйенген Yomiuri басылымы хабарлағандай, 2025 жылы Жапонияда 774,1 мыңнан астам қылмыс тіркелген. Бұл көрсеткіш алдыңғы жылмен салыстырғанда 4,9%-ға жоғары және пандемияға дейінгі деңгейден де асып түсті, деп хабарлайды Коммерсантъ.

Ұрлықтар 2,5%-ға көбейіп, жалпы қылмыстардың 60%-ын құрады (шамамен 514 мың).

Дүкендерден азық-түлік ұрлау 7%-ға артты, 105 мыңнан астам жағдай тіркелді. Ұрланған тауарлардың жартысы — азық-түлік.

Шетелдік туристерге қатысты қамауға алу жағдайлары 31,4%-ға өсіп, 17,6 мыңға жетті. Оның ішінде ауыр қылмыс үшін ұсталғандар саны 48%-ға артты (550 адам).

Арнайы түрдегі алаяқтық екі есе көбейіп, одан келген шығын 141,4 млрд иенге жетті. Жалпы алаяқтықтан келген шығын 402,9 млрд иенді құрады (өсім 31%).

Полиция жүргізген сауалнамаға сәйкес, тұрғындардың 79,7%-ы соңғы 10 жылда қоғамдық қауіпсіздік нашарлағанын айтқан. Бұл көрсеткіш 2024 жылмен салыстырғанда 3,1%-ға жоғары.

Бүгін, 16:05