Жапонияда туу көрсеткіші оныншы жыл қатарынан рекордтық минимумға дейін төмендеді

2024 жылмен салыстырғанда көрсеткіш 2,1%-ға төмендеген. Сарапшылар мұны халықтың жедел қартаюымен және инфляциямен, тұрмыстық қымбатшылықтың бала тәрбиелеуді қиындата түсуімен байланыстырады. Көптеген жапондық неке мен бала сүюді кейінге қалдырып немесе отбасынан мүлде бас тартып, өмірлік басымдықтарын өзгертіп жатыр.

Табиғи өсімнің керісінше құбылысы, яғни өлім саны туу санынан асып түсуі рекордтық 899 мың адамға жетті. Бұған дейін туу көрсеткіші 710 мыңнан төмен деңгейге тек 2042 жылға қарай түседі деп болжанған еді.

2024 жылы жапон азаматтары арасында туу көрсеткіші алғаш рет 700 мыңнан төмен түскен. Ал 2025 жылы неке саны 1,1%-ға өсіп, 505 мыңға жетті. Бұл туу көрсеткішінің құлдырауын ішінара жұмсартқанымен, жылына 600 мың неке тіркелген пандемияға дейінгі деңгейден әлі де төмен.

Туу көрсеткішінің өсуі тек екі префектурада — Токио және Исикава тіркелген. Ел астанасында туу саны соңғы тоғыз жылда алғаш рет артты, бұл халықтың көші-қоны мен балалы отбасыларды қолдау шараларымен байланыстырылады. Ал Исикавада өсім 2024 жылғы жойқын жер сілкінісінен кейінгі төмендеуден енді бас көтеріп келеді.

Қалған 45 префектурада туу көрсеткіші төмендеуін жалғастырып отыр. Әсіресе Симанэ, Ямагата, Аомори және Нагано аймақтарында құлдырау айқын байқалады. Ауылдық өңірлерде халық саны азайып жатыр, себебі тұрғындар оқу мен жұмыс үшін басқа жаққа көше бастаған.

2025 жылы Жапонияда 1,61 миллион өлім тіркелген, бұл 2024 жылмен салыстырғанда 13 мыңға аз. Салыстыру үшін айтсақ, 1973 жылы елде екі миллионнан астам бала дүниеге келген, ал 2016 жылы туу көрсеткіші алғаш рет бір миллионнан төмен түскен еді.

Айта кетейік, Қазақстанға Жапониядан келген туристер қатары 9 мыңнан асқанын жаздық.