Жақында киіктердің саны 7 миллионға жетеді министр

АСТАНА, 11 наурыз – Sputnik. Экология және табиғи ресурстар министрі Ерлан Нысанбаев мамыр айында киіктердің саны айтарлықтай өсетінін мәлімдеді, деп хабарлайды Sputnik Қазақстан тілшісі.

Қазіргі кезде киіктердің саны шамамен 5 млн басты құрайды.

"Бұл - өте тез көбейетін жануар. Киіктің төлі 40 проценті құрайды. Олар орташа есеппен 4-5 жыл өмір сүреді. Бірақ өте өсімтал, бірінші жылы ғана жалқы береді, одан кейінгі жылдары екіден, тіпті, үштен әкеледі", - деді Нысанбаев мәжілістегі брифингте.

Министрдің айтуынша, киіктердің санын реттеу шаралары аясында қазіргі популяция 200 мың басқа қысқартылды.

"Алайда теңіздегі тамшы сияқты және популяцияға мүлдем әсер етпейді. Биыл мамырдағы төлдеу тағы 20 процент берсе, шамамен 7 млн бас болады”, - деді Нысанбаев.