“Жігітті зорлады деп айыпталды“: ағайындылар үкімге шағымданды

Түркістан облысында дамуында кідірісі бар 24 жастағы жігітті зорлау ісі бойынша үш ағайындыға шығарылған үкім апелляцияда өзгеріссіз қалдырылды. Бұған дейін олардың әрқайсысына 9 жылға бас бостандығынан айыру жазасы тағайындалған еді, - деп хабарлайды Tengrinews.kz тілшісі.

Түркістан облысында дамуында кідірісі бар 24 жастағы жігітті зорлау ісі бойынша үш ағайындыға шығарылған үкім апелляцияда өзгеріссіз қалдырылды. Бұған дейін олардың әрқайсысына 9 жылға бас бостандығынан айыру жазасы тағайындалған еді, - деп хабарлайды Tengrinews.kz тілшісі.

Келес ауданындағы жантүршігерлік оқиға туралы 2025 жылғы наурызда "НеМолчи.kz" қорының парақшасында белгілі болды. Ұйым дерегінше, даму деңгейі 4 жастағы баламен шамалас жігіт ұзақ жылдар бойы немере ағалары мен көршілерінің тарапынан зорлық-зомбылық көрген.

Жәбірленушінің анасы бұған дейін қылмысқа алты адам қатысы бар екенін, олардың арасында кәмелетке толмағандар да барын айтқан. Алайда сот алдында жәбірленушінің небәрі үш немере ағасы ғана жауап берді – жастары 23, 25 және 28-де. Үшеуі де бір отбасының мүшелері.

Процесс жабық режимде өтті. 8 қазанда бірінші сатыдағы сот оларды бірнеше рет топ болып зорлағаны үшін кінәлі деп таныды, ал айыпталушылардың бірін қосымша ұрлық жасағаны үшін де кінәлі деп таныды.

Жәбірленушінің адвокаты Гулайхан Тұрсұманова Tengrinews.kz тілшісіне берген сұхбатында апелляция кезінде қорғау тарапы сотталушылардың кінәсіз екенін айтып, олардың қатысы барын дәлелдейтін айғақ жоқ деп мәлімдегенін жеткізді. Алайда жігіттің дерегі мен сараптамалардың қорытындылары бұл уәжді жоққа шығарған.

Заңгердің айтуынша, жәбірленуші процесс барысында "зорлау" деген сөзді қолданбаған, бірақ оған кімнің "жаман нәрсе жасағанын" нақты біледі.

"Процесс бойы жігіт бірізді, бірдей пікір берді. Бірінші сатыдағы сотта анасы оған: "Саған сенбейді" деген еді, ол болса: "Мен шындықты айтып тұрмын, егер оларды жазаламаса, өзім жазалаймын" деп жауап берді. Мұндай сөзді есту өте ауыр болды", – дейді адвокат.

Гулайхан Тұрсұманованың айтуынша, сотталушылар қылмыс жасалған кезде өздерінің үйде болмағанын алға тартқан. Алайда тергеу олардың жүріп-тұруын қалпына келтіре алған.

"Олар сол күні үйде болмағанын айтты. Бірақ моншаға келген куәлардың пікірі бар, олар айыпталушыларды көрген - айыпталушылардың үйінде ақылы монша бар. Сонымен қатар, ұялы байланыс операторларынан геолокация сұратылды: сол сәтте күдіктілер өз туған ауылында болған. Полиция қызметкері бәрін секундтап түсіндіріп берді".

Адвокат қорғау тарапы жәбірленушіні қаралау және болған оқиғаға оны кінәлі етіп көрсету үшін арсыз тәсілдерге барғанын атап өтті.

"Анасына оңай болған жоқ. Ол ұлы сот процестеріне қатысып, куәлік бергені дұрыс деп шешті. Барлығы оның кімнің өзіне жаман нәрсе жасағанын білетінін көріп, көз жеткізсін деді", - деді заңгер.

Гулайхан Тұрсұманова апелляциялық сот үкімді өзгеріссіз қалдырғаннан кейін жәбірленушінің анасы эмоциясын ұстай алмағанын айтты. Адвокаттың айтуынша, әйел онлайн-отырыс кезінде жылап жіберген.

"Анасы бастапқыда 9 жылдық мерзімге көңілі толмады, мен жазаны күшейту жөнінде апелляция бергім келді, бірақ ол кейін бас тартты. Ең бастысы - оның ұлы кінәлі емес екені дәлелденді".

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Следите за нашими новостями в Google News