Жылдамдықты 59 рет асырған: Астанада Porsche жүргізушісі қамауға алынды

Астана қаласының мамандандырылған ауданаралық әкімшілік құқық бұзушылықтар жөніндегі соты Porsche көлігінің жүргізушісіне қатысты мемлекеттік тәртіпті бұзу фактісі бойынша істі қарап, оны 15 тәулікке әкімшілік қамауға алу туралы шешім шығарды. Жүргізуші қала орталығындағы жаяу жүргіншілер өткелінде бағдаршамның тыйым салған (сары) сигналына мән бермей, 133 км/сағ жылдамдықпен қозғалған, деп жазады Egemen.kz.

Фото: astanasottary

Сот материалдарына сәйкес, оқиға 2 сәуірде сағат 12:47 шамасында Әл-Фараби көшесінде тіркелген. Жүргізуші Ұлы дала көшесінен Ф. Оңғарсынова көшесіне бағыт алған тұста жаяу жүргіншілер өткелі арқылы өтіп бара жатып, жол қозғалысы ережелерін өрескел бұзған.

Сот анықтағандай, жүргізушінің әрекеті көпшілікке ашық түрде демонстративті агрессивті сипат алған. Ол жол қозғалысы ережелерін өрескел бұзып қана қоймай, жаяу жүргіншілер мен өзге де жол қозғалысына қатысушылардың өмірі мен денсаулығына нақты қауіп төндірген.

Сот отырысында Л. өз кінәсін толық мойындап, өкініш білдірді. Ол асығыс болғанын айтып, көлікті жоғары жылдамдықпен басқарғанын білсе де, жол бос деп ойлағанын түсіндірді.

Ақтөбеде 208 жаяу жүргінші жол ережесін бұзған

Іс материалдарымен құқық бұзушылық толық дәлелденді. Оған Л.-ның түсініктемесі, әкімшілік құқық бұзушылық хаттамасы, инспектор рапорты және «Сергек» жүйесінің бейнежазбасы негіз болды.

Қолданыстағы заңнамаға сәйкес, мемлекеттік тәртіпті бұзғаны үшін 20 АЕК айыппұл немесе 20-60 сағат қоғамдық жұмыс яки 5-15 тәулік әкімшілік қамау қарастырылған.

Сот үкімімен Л. бұзақылық жасағаны үшін кінәлі деп танылып, оған 15 тәулік әкімшілік қамау жазасы тағайындалды.

Түркістанда полицейлер жол ережесін бұзған 700-ден астам жүргізушіні анықтады

Жаза тағайындау кезінде сот құқық бұзушылықтың сипаты мен қоғамдық қауіптілігін ескерді. Атап айтқанда, жүргізушінің қала орталығында, күндізгі уақытта, бағдаршамның тыйым салынған сигналына бағынбай, жоғары жылдамдықпен жүруі жолдағы қауіп-қатерді едәуір арттырғаны назарға алынды. Сондай-ақ, Л.-ның осы жылдың басынан бері жылдамдықты асыру бойынша 59 реттен астам әкімшілік жауапкершілікке тартылғаны ескерілді.

Сот мұндай жаза оның түзелуіне және қайталанатын құқық бұзушылықтардың алдын алуға ықпал етеді деп есептеді.

Сот қаулысы заңды күшіне енген жоқ.

Астаналық полицейлер бейнекамера арқылы жол ережесін бұзғандарды анықтады

Соңғы жаңалықтар

Олжас Бектенов: Шағын авиацияның әуе кемелерін сатып алу ісінде кемшіліктер бар

Үкімет • Бүгін, 13:57

«Қазсушар» филиалдарына 130 жаңа мотоцикл берілді

Қоғам • Бүгін, 13:31

«Келешек мектептері»: Елімізде 217 заманауи білім ошағы ашылды

Білім • Бүгін, 13:18

Премьер-министр теміржол вокзалдарын жаңғырту қарқынын сынға алды

Логистика • Бүгін, 13:01

Қостанай облысында жол апатынан 4 адам қайтыс болды

Оқиға • Бүгін, 12:51

Елімізде қар жауып, күн күрт суытады

Ауа райы • Бүгін, 12:42

Бибісара Асаубаева «Үміткерлер турнирінде» үздік үштікке енді

Спорт • Бүгін, 12:30

«Таза Қазақстан»: Орманшылар оқушылармен бірге ағаш екті

«Таза Қазақстан» • Бүгін, 12:20

Атырауда дарынды балаларға арналған спорт мектебі салынып жатыр

Спорт • Бүгін, 12:12

Астанадағы көпқабатты үйдегі өрт: Зардап шеккен әйелдің жағдайы қалай?

Қоғам • Бүгін, 11:53

Қажылық сапары: Ел азаматтары үшін қауіпсіз әуе бағыттары ұйымдастырылады

Қоғам • Бүгін, 11:48

Еркін күрес шеберлері Бішкекте қос қоланы қанағат тұтты

Спорт • Бүгін, 11:36

110 млн теңгеден астам шығын: «Boxy Wealth» қаржы пирамидасына қатысты іс сотқа жолданды

Қоғам • Бүгін, 11:20

Ғарифолла Әнестің 6 кітабы таныстырылды

Әдебиет • Бүгін, 11:13

Мемлекет басшысы Ирак президентіне құттықтау жеделхатын жолдады

Президент • Бүгін, 11:03

Барлық жаңалықтар