1 шілдеден кейін Ұлттық банк басшысы мен Жоғарғы сот төрағасы жаңадан тағайындалады

АСТАНА, 18 маусым – Sputnik. Әділет министрі Ерлан Сәрсембаев жаңа Коституция күшіне енгеннен кейін жаңадан тағайындалатын басшыларды атады, деп хабарлайды Sputnik Қазақстан тілшісі.

Референдумда қабылданған Конституцияның 95-бабы бойынша екі айдың ішінде 6 органның басшысы тағайындалуы қажет.

"Олардың арасында ұлттық қауіпсіздік комитетінің төрағасы, бас прокурор, ұлттық банк басшысы, Жоғарғы сот төрағасы, Адам құқықтары жөніндегі уәкіл мен Жоғары сот кеңесінің төрағасы бар", - деді Сәрсембаев Sputnik Қазақстан тілшісіне берген сұхбатында.

Ал Коституциялық сот төрағасы мен сот судьялары, сондай-ақ, Орталық сайлау комиссиясының төрағасы мен мүшелері Құрылтайдың бірінші сессиясы ашылғаннан кейін екі айдың ішінде тағайындалады.

Айта кетері, министр Қазақстанның вице-президенті қай кезде тағайындалатынын да айтты.