133 мың орын және техникалық мамандықтарға басымдық: Қазақстан колледждеріндегі оқыту жүйесі қалай өзгереді

2026 жылы Қазақстан колледждері мемлекеттік білім беру тапсырысы бойынша 133 мың студентті қабылдайды. 

Орынның 70%-ға жуығы техникалық бағыттағы мамандарды даярлауға бөлінеді.

Оқу-ағарту министрі Жұлдыз Сүлейменованың айтуынша, бүгінде елде 763 колледж жұмыс істейді, онда 556 мың адам білім алып жатыр.

10 мыңнан астам студентті кәсіпорындардың өтінімі бойынша қабылдау жоспарланған. Бұл бағдарламалар түлектерді кейін міндетті түрде жұмысқа орналастыруды көздейді.

Қазақстанда жұмыс берушілермен бірлесіп 500-ге жуық білім беру бағдарламасы жаңартылды. Олар WorldSkills стандарттарын, мемлекеттік жалпыға міндетті білім беру стандарттарын және кәсіби талаптарды ескере отырып әзірленді.

Халықаралық салалық аккредиттеуден 27 колледж өтті. Халықаралық үлгідегі сертификаттарға 134 педагог пен 347 студент ие болды. Сонымен қатар жыл басынан бері шетелдік оқу орындарымен 80-ге жуық келісім жасалды.

Қазақстан жоғары оқу орындарында дуалды оқыту жүйесі кеңейіп келеді. Жыл сайын 10 мыңға жуық студент «Самұрық-Қазына» қорының қоржындық компанияларында өндірістік тәжірибеден өтеді. 2026 жылдың бірінші жартыжылдығында мұндай бағдарламалармен 4,3 мыңнан астам адам қамтылды.

Оқыту тау-кен ісі, энергетика, IT, электротехника, теміржол көлігі, телекоммуникация, цифрлық технологиялар, ресурстарды өндіру және өңдеу бағыттары бойынша жүргізіледі.

Биыл Қазақ жасанды интеллект ғылыми-зерттеу университеті алғашқы студенттерін қабылдауы тиіс. Жалпы қабылдау көлемі 600-ге жуық адамды құрайды. Бакалавриатқа 400 студентті (оның ішінде 308-і мемлекеттік грант иегері), ал магистратураға 100 адамды қабылдау жоспарланып отыр.

Сонымен бірге Қазақстанда 6 857 орындық 18 студенттер жатақханасын ашу көзделген. Оның 7-еуі пайдалануға берілу сатысында, ал қалған 11 нысан жыл соңына дейін ашылуы тиіс.

22 тамызда Астанада Қазақ ұлттық спорт университетінің 1,5 мыңнан астам студентке арналған екі жатақханасын ашу жоспарланған. Ал Алматыда Халықаралық білім беру корпорациясының 339 орындық жатақханасы пайдалануға берілді.

Бүгін, 11:55