Қазақстанда еңбек қауіпсіздігі бойынша оқыту және білімін тексеру жүйесі жаңартылады

Еңбек және халықты әлеуметтік қорғау министрлігі Еңбек қауіпсіздігі мен еңбекті қорғау мәселелері бойынша қызметкерлерді, басшыларды және еңбек қауіпсіздігі мен еңбекті қорғауды қамтамасыз етуге жауапты тұлғаларды оқыту, нұсқаулық өткізу және олардың білімін тексеру қағидалары мен мерзімдеріне өзгерістер енгізбек.  Тиісті ведомство басшысының бұйрығының жобасы «Ашық НҚА» порталында жарияланды, – деп хабарлайды Aikyn.kz.

Жаңашылдықтар еңбек қауіпсіздігін жетілдіруге, оқытатын ұйымдарға қойылатын талаптарды нақтылауға, нұсқаулық өткізу мен білімді тексеру тәртібін реттеуге, оқу нәтижелерін ресімдеудің бірыңғай тәсілдерін айқындауға, сондай-ақ біліктілікті растаудың ашықтығы мен қолайлылығын қамтамасыз ететін электронды  сертификаттарды енгізуге бағытталған.

Жобада көрсетілгендей, өзгерістер Қазақстан Республикасы Денсаулық сақтау және әлеуметтік даму министрінің 2015 жылғы 25 желтоқсандағы №1019 «Қызметкерлердің, басшылардың және еңбек қауіпсіздігі мен еңбекті қорғауды қамтамасыз етуге жауапты адамдардың еңбек қауіпсіздігі және еңбекті қорғау мәселелері бойынша оқытуды, нұсқаулық өткізуді және білімін тексеруді жүргізу қағидалары мен мерзімдерін бекіту туралы» бұйрығына енгізіледі.