Шымкентте ирригация жүйесі жаңартылады

Шымкентте жалпы ұзындығы 25 мың шақырымнан асатын арық-атыздар қайта қалпына келтіріліп жатыр.

Зерделеуден кейін 60 көшенің ирригациялық жүйелерін жаңғырту туралы шешім қабылданып, қазынадан 700 миллион теңге бөлінді. Қазір су жиналу қаупі жоғары учаскелерде құрылыс жұмыстары қарқынды жүріп жатыр. Мердігерлер тарапынан арықтың су өткізу қабілетін арттыру үшін жер бедері тегістеліп, жүйенің деңгейі реттеледі. Сонымен қатар су ағынын қалпына келтіру үшін ескі арықтар жаңасымен алмастырылады. Сала мамандарының айтуынша, былтыр 42 учаскеде осындай жұмыс жүрген. Нәтижесінде жауын-шашыннан болатын  тасқын қаупі айтарлықтай азайған.

Ролан Ибрагимов, қалалық жолаушылар көлігі және автомобиль жолдары басқармасының басшысы:

- Көптеген арықтар тозған еді немесе су өткізгіш қабілеті төмендеген еді. Осы бағытта арықтарды тиісті деңгейге келтіріп және өткізу қабілетін көтердік.