17 жыл бойы жасырынған. Қырғызстан Қазақстанға банктен миллиондар ұрлаған ұйымдасқан қылмыстық топтың басшысын берді

Қырғызстан Қазақстанға 17 жыл жасырынған ұйымдасқан қылмыстық топ басшысын экстрадициялады. Оған банктен жалған несиелер арқылы 183 миллион теңгеден астам қаражат жымқырды деген айып тағылып отыр, деп хабарлайды Tengrinews.kz Бас прокуратураның баспасөз қызметіне сілтеме жасап.

Қырғызстан Қазақстанға 17 жыл жасырынған ұйымдасқан қылмыстық топ басшысын экстрадициялады. Оған банктен жалған несиелер арқылы 183 миллион теңгеден астам қаражат жымқырды деген айып тағылып отыр, деп хабарлайды Tengrinews.kz Бас прокуратураның баспасөз қызметіне сілтеме жасап.

Тергеу барысында күдікті 2007–2008 жылдары Алматыда ұйымдасқан қылмыстық топ басшысы болып, қазақстандық банктердің бірінен 183 миллион теңгеден астам ақшаны көрінеу қайтарусыз несие беру арқылы ұрлағаны анықталды.

"Алынған ақша оның мүшелері арасында бөлініп, жеке мақсаттарына пайдаланылған", - деп хабарлады Бас прокуратура.

Қылмыстық топ мүшелерінің бір бөлігі сотталған, ал оның басшшысы қашып кеткендіктен, оған халықаралық іздеу жарияланған.

Ақпанда ол Бішкекте ұсталып, Бас прокуратураның сұрауы бойынша Қазақстанға экстрадицияланды.

"Күдікті тергеу изоляторына қамалды. Айып тағылған қылмыстар үшін мүлкі тәркіленіп, 12 жылға дейін бас бостандығынан айыру жазасы көзделген", - деп хабарлады қадағалау органы.

Google News арқылы жаңалықтарымызды қадағалаңыз