189 мың талапкер колледжге қабылданды

Биыл еліміздегі колледждерге 189 мың талапкер қабылданды. Оның 145 мыңы мемлекеттік грант негізінде білім алып жатыр.

9-сынып түлектері машина жасау, ІТ, энергетика және құрылыс сияқты сұранысқа ие мамандықтар бойынша тегін біліммен қамтылды. Дуальді білім беру жүйесі бойынша 108 мың студент оқиды. Жыл соңына дейін олардың қатарын 135 мыңға жеткізу жоспарда бар. Техникалық оқу орындары Германия, Түркия, Қытай, Франция, Оңтүстік Корея сынды елдердің оқу орындарымен 50-ден астам серіктестік келісім жасасты. Euroskills Herning 2025 чемпионатында ұлттық команда өкілдері 7 үздік шеберлік медальонын жеңіп алып, «Ұлт үздігі» атанды. Сондай-ақ жұмысшы мамандарға арналған «Наурыз жұмыскер» ипотекалық бағдарламасы аясында 46,5 млрд теңгеге 1,9 мыңнан астам несие берілді.