2025 жылы Қазақстанда театр билеттерінің бағасы рекордтық деңгейде қымбаттаған

2025 жылдың қорытындысы бойынша Қазақстанда театрға бару құны айтарлықтай қымбаттап, соңғы 15 жылдағы ең жоғары көрсеткішке жетті. Желтоқсан айының нәтижесімен театр билеттерінің бағасы жылдық есепте 43,3%-ға өсті, деп хабарлайды Egemen.kz.

Статистикаға сәйкес, жыл ішінде театр билеттерінің бағасы 7,5 есе жылдам қымбаттаған. Бұл – кемінде 2011 жылдан бері тіркелген ең жоғары өсім. Аталған кезеңде театр билеттері жыл қорытындысы бойынша бірде-бір рет арзандамағанымен, жалпы тұтынушылық инфляциядан озық қарқынмен екі рет өскен.

Бұған дейін мұндай жағдай 2022 жылы байқалған. Ол кезде геосаяси жағдайдың күрт ушығуына байланысты театр билеттері 22,1%-ға қымбаттап, жалпы инфляция деңгейі 20,3% болған. Ал 2025 жылы театр билеттерінің бағасы инфляциядан 3,5 есе жоғары қарқынмен өсті.

Депутаттар Әуезов атындағы Қазақ ұлттық драма театрының жай-күйімен танысты

Сарапшылардың мәліметінше, бағаның ең белсенді өсуі 2025 жылдың соңғы үш айында тіркелген. Әр айдың қорытындысы бойынша орташа өсім 8,4% айлық көрсеткішті құраған. Ал жыл ішіндегі алғашқы елеулі өсім маусым айында тіркеліп, баға бір айда 10,1%-ға артқан.

Аймақтық бөліністе театр билеттері 20 өңірдің 15-інде қымбаттаған, бес өңірде баға өзгермеген. Алматы облысы бойынша деректер құпия ретінде жарияланбайды. Орташа республикалық деңгейден жоғары өсім Астана мен Алматы қалаларында, сондай-ақ Түркістан, Шығыс Қазақстан және Батыс Қазақстан облыстарында тіркелген.

Билік өкілдері бағаның өсуін, оның ішінде, театрлардың эксплуатациялық шығындарының артуымен, яғни қызмет көрсетуге қажет тауарлар мен қызметтердің қымбаттауымен байланыстырып отыр. Сонымен қатар мемлекеттік театрлар қызметі экономикалық тұрғыдан шығынды болып қала береді.

Әуезов театрындағы қайта жаңғырту жұмыстары тоқтап қалды ма?

Осыған байланысты республикалық және жергілікті бюджеттерден жыл сайын субсидия бөлінеді. Қаржы министрлігі деректеріне сәйкес, 2025 жылдың қаңтар-қараша айларында театрлар мен концерт залдарын қолдауға бөлінген субсидия көлемі 81,6 млрд теңгені құраған. Бұл көрсеткіш номиналды түрде өткен жылмен салыстырғанда 20,9%-ға жоғары.

2025 жылдың басындағы мәлімет бойынша, Қазақстанда 74 театр жұмыс істеген. Оның 32-сі Астана мен Алматы қалаларында орналасқан. Әрбір бесінші театр жекеменшік нысанда қызмет көрсетеді. 2024 жылы ел бойынша 16,7 мың мәдени іс-шара өткізілген, оларды 3,1 млн көрермен тамашалаған. Бұл көрсеткіштер 2023 жылмен салыстырғанда айтарлықтай өзгермеген.

Айта кетейік, «Астана Балет» театры жылды жетістікпен аяқтады.

Соңғы жаңалықтар

2025 жылы Қазақстанда театр билеттерінің бағасы рекордтық деңгейде қымбаттаған

Мәдениет • Бүгін, 13:30

Иранның тақ мұрагері Реза Пехлеви халықты жаппай наразылыққа шығуға шақырды

Әлем • Бүгін, 13:15

Қылмыс төмендеп, цифрландыру күшейді: ІІМ 2026 жылғы басым міндеттерді белгіледі

Заң • Бүгін, 12:51

Зеленский Трамппен Украина мен АҚШ арасындағы еркін сауда туралы келісімді талқылады

Әлем • Бүгін, 12:30

БАӘ өз азаматтарының Ұлыбританияда оқуын қаржыландыруды тоқтатты

Әлем • Бүгін, 12:05

Алматыда алғашқы Көлік ғылымдары мен технологиялары институты құрылды

Ғылым • Бүгін, 11:52

Елімізде қаңтардағы ҰБТ басталды

Білім • Бүгін, 11:30

Ресей әуежайларында қарлы боран салдарынан рейстер жаппай кешігіп жатыр

Әлем • Бүгін, 11:12

Бүгін – Ұлттық ұлан күні

Әскер • Бүгін, 10:43

Алматыда Брайль қарпі бар, IT-аймақты кітапхана ашылды

Руханият • Бүгін, 10:27

Спорттық коучингке арналған бағдарлама

Digital • Бүгін, 10:00

Жасанды интеллект құрылысқа жат емес

Жасанды интеллект • Бүгін, 09:55

Әуенмен емдейтін нейрожүйе

Digital • Бүгін, 09:50

Әскер беделі – ел беделі

Әскер • Бүгін, 09:45

Қайырымды азаматтардың демеуі

Аймақтар • Бүгін, 09:40

Барлық жаңалықтар