2026 жылы қазақстандықтар паспортсыз қайда бара алады

2026 жылы қазақстандықтар үшін бірден бірнеше танымал елге кіру ережелері өзгерді. Жаңа визасыз бағыттар пайда болып, елде болу мерзімдері ұзартылды, сондай-ақ Еуроодақпен Шенген визасын алуды жеңілдету бойынша келіссөздер жалғасып жатыр. Дегенмен, төлқұжатсыз баруға болатын елдердің саны әлі де көп емес. Tengri Travel жеке куәлікпен қайда баруға болатынын және сапар алдында тағы қандай өзгерістерді ескеру маңызды екенін баяндайды.

2026 жылы қазақстандықтар үшін бірден бірнеше танымал елге кіру ережелері өзгерді. Жаңа визасыз бағыттар пайда болып, елде болу мерзімдері ұзартылды, сондай-ақ Еуроодақпен Шенген визасын алуды жеңілдету бойынша келіссөздер жалғасып жатыр. Дегенмен, төлқұжатсыз баруға болатын елдердің саны әлі де көп емес. Tengri Travel жеке куәлікпен қайда баруға болатынын және сапар алдында тағы қандай өзгерістерді ескеру маңызды екенін баяндайды.

Қазақстандықтар қай елдерге төлқұжатсыз кіре алады? Ресей

Қазақстан азаматтары Ресейге ұлттық төлқұжатпен де, жеке куәлікпен де кіре алады. 16 жасқа толмаған балалар үшін туу туралы куәлік немесе ұлттық төлқұжат арқылы кіруге рұқсат етіледі.

Егер болу мерзімі күнтізбелік 30 күннен аспаса, тіркелу талап етілмейді. Елде 30 күннен артық (90 тәулікке дейін) болған жағдайда, келген жері бойынша тіркелу қажет.

Бұл ретте өткен жылдың 30 маусымынан бастап Ресейде шетелдіктер, соның ішінде Қазақстан азаматтары үшін кірудің жаңа ережелері енгізілді. Енді әрбір келуші үшін төлқұжат деректерін, бет-әлпет суретін және саусақ іздерін қамтитын цифрлық профиль жасалады. Қазақстандықтар келесі жаңа процедуралардан өтуге дайын болуы тиіс:

өткізу пункттерінде (Мәскеу әуежайлары мен Орынбор облысындағы Маштаково автомобиль пункті) биометриялық мәліметтерді тапсыру; ruID қосымшасы арқылы электронды өтініш толтыру; SIM-карталарды тек биометрия арқылы тіркеу қажеттілігі; медициналық куәландырудан және дактилоскопиядан өту.

Ал 2026 жылдың 1 шілдесінен бастап Ресейге жұмыс істеуге немесе оқуға келетін Қазақстан азаматтарына ruID мобильді қосымшасын пайдалану қажет болады.

Белгіленген тәртіп бойынша шетелдік азаматтар қосымшада жеке профиль жасап, Ресейге кіру туралы электронды өтініш беруі тиіс. Бұл мемлекеттік шекарадан өту жоспарланған уақыттан кемінде 72 сағат бұрын жасалуы керек.

Өтінішті қарау қорытындысы бойынша қосымшада елге кіру құқығын растайтын жеке QR-код қалыптастырылады.

Қырғызстан

Қазақстанның кәмелетке толған азаматтары Қырғызстан шекарасынан жеке куәлікпен өте алады. Елде болудың ең ұзақ мерзімі - әр 180 күн ішінде 90 күн. 16 жасқа толмаған балалар үшін жеке куәлік жеткіліксіз - оларға ұлттық төлқұжат қажет.

Фото: depositphotos.com

Түрікменстан

Түрікменстан үшін бөлек ережелер қолданылады. Екі ел арасындағы қолданыстағы келісімге сәйкес, Атырау және Маңғыстау облыстарының тұрғындары Балқан уәлаятына бес тәулікке дейінгі мерзімге визасыз бара алады. Алайда бұл мүмкіндік тек аталған өңірлердің тұрғындарына және тұрғылықты жерін растайтын құжаттары болған жағдайда ғана беріледі.

Айта кетейік, Қазақстан Түрікменстанмен визасыз режим енгізу мәселесін талқылап жатыр.

Армения

Қазақстан мен Армения да азаматтардың өзара сапарларының жаңа ережелері туралы келісті. Келісім 90 күнге дейінгі визасыз сапарларды мерзімді қарастырады. Бұл ретте Ішкі істер министрі Ержан Сәденов 30 күн болғаннан кейін азаматтарға ішкі істер органдарында тіркелу қажет болатынын түсіндірді.

Бұдан бөлек, елдер арасында азаматтарға шекарадан жеке куәлікпен өтуге мүмкіндік беретін келісімге қол қойылған. Алайда Қазақстан СІМ мәліметінше, қазіргі уақытта сапарлар үшін әлі де төлқұжат талап етіледі.

Фото: depositphotos.com

Өзбекстан

Қазақстан мен Өзбекстан арасында екі ел азаматтарына шекарадан жеке куәлікпен өтуге рұқсат беру бойынша келіссөздер жүргізіліп жатыр. 2023 жылғы 1 қыркүйектен бастап Өзбекстан мен Қырғызстан арасында осындай келісімдер күшіне енген.

Тағы нені ескеру қажет?

Визалық талаптардан бөлек, сапар алдында төлқұжаттың қолданылу мерзімін және таңдалған елге кіру шарттарын тексеру маңызды. Кейбір мемлекеттер кері қайту билетін, тұрғын үй бронын растауды немесе елде болу үшін жеткілікті қаражаттың бар-жоғын көрсетуді сұрауы мүмкін.

Сондай-ақ рұқсат етілген болу мерзімінен асырмаған жөн, өйткені көші-қон ережелерін бұзу айыппұлдарға немесе кейінгі сапарларға шектеу қоюға әкеп соғуы мүмкін.

Google News арқылы жаңалықтарымызды қадағалаңыз

Жазылу