21 ақпанда қазақстандықтарға қар, бұрқасын, тұманға байланысты ескерту жасалды

Астанада 21 ақпан күні күндіз қар, боран күтіледі. Жел шығыстан және оңтүстік-шығыстан соғып, екпіні 15-20 м/с болады.

Ақмола облысының батысында және оңтүстігінде түнде қар, боран күтіледі; облыстың батысында кейде қатты қар жауады, күндіз қар, боран, оңтүстігінде және шығысында кейде қатты қар жауады. Түнде және таңертең облыстың солтүстігі мен шығысында тұман болады. Жел шығыстан және оңтүстік-шығыстан соғып, екпіні 15-20 м/с, облыстың батысы, солтүстік және шығысында кейде 23-28 м/с болады.

Ұлытаудың аймағында түнде жауын-шашын (жаңбыр, қар), боран, көктайғақ, солтүстігі мен шығысында қатты жауын күтіледі; күндіз солтүстігінде, шығысында және оңтүстігінде жауын-шашын (жаңбыр, қар), боран, көктайғақ болады. Солтүстік, шығыс және облыстың орталығында тұман болады. Жел оңтүстік-шығыстан соғып, кейін батысқа ауысады, облыстың солтүстігі мен шығысында түнде екпіні 15-20 м/с, күндіз 15-20 м/с, шығысында және оңтүстігінде кейде 23 м/с дейін жетеді.

Қарағанды облысының батысында түнде қар, боран күтіледі; күндіз қар, боран, солтүстік және шығысында қатты қар жауады. Күндіз облыстың оңтүстігінде көктайғақ болады. Солтүстік, шығыс және оңтүстігін тұман басады. Жел оңтүстік-шығыстан соғып, кейін батысқа ауысады, облыстың батысы, оңтүстігі және ортасында 15-20 м/с, кейде екпіні 25 м/с.

Маңғыстау облысының солтүстігінде тұман болады.

Жамбыл облысының таулы аймақтарында түнде қатты жауын-шашын (жаңбыр, қар) күтіледі. Кейде тұман болады.

Атырау облысының солтүстігі мен шығысында жаздаған жауын-шашын (жаңбыр, қар), жаяу бұрқасын боран, көктайғақ күтіледі. Батысында және оңтүстігінде тұман болады. Жел солтүстік-батыстан соғып, кейін оңтүстік-батысқа ауысады, күндіз облыстың солтүстігінде екпіні 15-18 м/с.

Ақтөбе облысының батысы, солтүстігі, шығысында көктайғақ болады. Жел батыстан және оңтүстік-батыстан соғады; Мұғалжар ауданында түнде екпіні 15-18 м/с дейін барады.

Жетісу облысының шығысы мен таулы аймақтарында таңертең және күндіз кейде қатты жауын-шашын (жаңбыр, қар) болады. Жел оңтүстік-батыстан соғып, облыстың батысы, шығысы, орталығы мен таулы аймақтарында екпіні 15-20 м/с, кейде 23-28 м/с дейін жетуі мүмкін. Алакөл көлдері аймағында жел оңтүстік-батыстан соғып, кейде 30 м/с дейін ұйытқиды.

Алматы облысының таулы аймақтарында күндіз кейде қатты қар жауады. Солтүстік, оңтүстік және таулы аймақтарда кейде тұман, жолдарда көктайғақ болады. Жел солтүстік-шығыстан соғып, кейін батысқа ауысады; облыстың батысы мен шығысында күндіз екпіні 15-20 м/с, кейде 23-28 м/с дейін жетеді.

Қызылорда облысының орталығында және солтүстігінде тұман түсіп, көктайғақ болады. Жел батыстан соғып, түнде 15-20 м/с, күндіз облыстың шығысында 15-20 м/с дейін барады.

Шығыс Қазақстан облысының оңтүстігінде күндіз аздаған қар, жаяу бұрқасын, көктайғақ болады. Солтүстігінде, шығысында және оңтүстігінде тұман күтіледі. Жел солтүстік-шығыстан соғып, кейін оңтүстік-шығысқа ауысады; облыстың батысы мен оңтүстігінде екпіні 15-20 м/с.

Солтүстік Қазақстан облысының батысы мен оңтүстігінде түнде және күндіз қар, боран күтіледі. Оңтүстігінде тұман болады. Жел шығыстан соғып, екпіні 15-20 м/с, облыстың солтүстігі, оңтүстігі, батысында кейде 23-28 м/с дейін ұйытқиды.

Абай облысының батысы, оңтүстігі және орталығында күндіз қар, боран, көктайғақ күтіледі. Облыстың солтүстігі, оңтүстігі және орталығында тұман болады. Жел солтүстік-шығыстан соғып, кейін оңтүстік-батысқа ауысады; облыстың батысы, оңтүстігі және орталығында екпіні 15-20 м/с, кейде 23-28 м/с болады.

Павлодар облысының батысы мен оңтүстігінде күндіз жел шығыстан соғады, екпіні 15-20 м/с дейін жетуі мүмкін.

Қостанай облысында қар, боран күтіледі; түнде және таңертең оңтүстік пен шығысында қатты қар жауады. Облыстың батысы, солтүстігі және шығысында тұман болады. Жел оңтүстік-шығыстан соғып, кейін солтүстік-батысқа ауысады; облыстың солтүстігі, оңтүстігі және шығысында екпіні 15-20 м/с, кейде 23 м/с.

Түркістан облысында жел батыстан және солтүстік-батыстан соғады; облыстың батысы, солтүстігі, оңтүстігі мен таулы аймақтарында 15-20 м/с, кейде екпіні 23-28 м/с. Таулы өткелдерде түнде және таңертең кейде жылдамдығы 30 м/с-ден асуы ықтимал.

Батыс Қазақстан облысының батысы, солтүстігі және шығысында түнде қар, жаяу бұрқасын, көктайғақ күтіледі; күндіз жауын-шашын (жаңбыр, қар), жаяу бұрқасын, көктайғақ болады. Облыстың солтүстігі мен шығысын тұман басады. Жел батыстан-оңтүстік-батыстан соғып, күндіз облыстың батысы, солтүстігі, оңтүстігінде екпіні 15-20 м/с дейін жетеді.

Бұдан бұрын ҚазАвтоЖол бірнеше облыста көлік қозғалысына шектеу қойылғанын хабарлады.