8 наурызға орай кімдерге және қанша төлем беріледі?

Наурыз Қазақстандағы кейбір әйелдер үшін тек ұзақ демалыспен емес, ақшалай төлемге байланысты жағымды жаңалықпен басталады. Tengri Life 8 наурызға орай кімге және қанша төленетінін білді.

Наурыз Қазақстандағы кейбір әйелдер үшін тек ұзақ демалыспен емес, ақшалай төлемге байланысты жағымды жаңалықпен басталады. Tengri Life 8 наурызға орай кімге және қанша төленетінін білді.

Кімдер төлем ала алады?

Бірқатар өңірде көмек алудың негізгі шарты - көпбалалы ана мәртебесі. Ең алдымен төлем мемлекеттік наградалары бар әйелдерге арналады:

"Алтын алқа" және "Күміс алқа"; "Батыр ана" атағы; "Ана даңқы" I және II дәрежелі ордендері.

Кейбір қалада, мысалы Астана мен Қарағандыда көпбалалы отбасылар (төрт және одан көп бала) мен аз қамтылған аналарға да көмек беріледі.

Астана

Елорда әкімдігі 8 наурызға орай біржолғы әлеуметтік көмекті шамамен 37 мың тұрғын алатынын хабарлады.

Баспасөз қызметі мәліметінше, бұл - көпбалалы отбасылар мен көпбалалы аналар, оның ішінде аз қамтылғандар. Төлем мөлшері - 2,5 АЕК, яғни 10 813 теңге.

"Бұл төлем Астана мәслихатының 2023 жылғы 3 қазандағы №84/10-VIII шешімімен бекітілген, Астана жұмыспен қамту және әлеуметтік қорғау басқармасының қалада әлеуметтік көмек көрсету, оның мөлшерлерін белгілеу және мұқтаж азаматтардың жекелеген санаттарының тізбесін айқындау қағидасына сәйкес жүзеге асырылады", - деп хабарлады ведомство.

Төлем "Алтын алқа", "Күміс алқамен" марапатталған аналарға, сондай-ақ Астанада тіркеліп, тұрақты тұратын аз қамтылған аналарға беріледі. Әлеуметтік төлемдер орталығының деректері негізге алынады.

Ақмола облысы

Ақмола облысында көмек мөлшері ауданға байланысты болады. Әкімдік мәліметінше, "Алтын алқа", "Күміс алқамен" марапатталған көпбалалы аналар, бұрын "Батыр ана" атағын алғандар, сондай-ақ "Ана даңқы" I және II дәрежелі ордендерімен марапатталған жандар үшін 8 наурызға арналған төлемдер қарастырылған.

Мөлшері - 2-ден 5 АЕК-ке дейін (8 650-ден 21 625 теңгеге дейін).

5 АЕК (21 625 теңге) - Көкшетау, Степногорск, Қосшы, Бурабай және Есіл аудандарында; 3 АЕК (12 975 теңге) - Аршалы, Біржан сал, Жақсы, Жарқайың, Зеренді және Целиноград аудандарында; 2 АЕК (8 650 теңге) - Сандықтау ауданында.

2026 жылы 3 849 көпбалалы анаға көмек көрсету жоспарланып отыр. Бұл мақсатқа 73 миллион 926 мың теңге бөлінген.

Қарағанды облысы

Қарағанды облысында 8 наурызға орай 25 042 адамды қамту жоспарланған. Көмектің жалпы сомасы 477,2 миллион теңге, оның ішінде 468,4 миллион теңге - жергілікті бюджеттен, 8,8 миллион теңге - бюджеттен тыс қаражат.

23 422 адам 20 000 теңге көлемінде біржолғы материалдық көмек алады. Олар - "Алтын алқа", "Күміс алқамен" марапатталған көпбалалы аналар, "Батыр ана" атағы, "Ана даңқы" I және II дәрежелі ордендерінің иегерлері, сондай-ақ кәмелетке толмаған төрт және одан көп баласы бар көпбалалы отбасылар.

Төлем алушылар көпшілігі: Қарағанды - 8 832 адам, Теміртау - 3 000, Балқаш - 1 750 және облыстың бірқатар ауданында.

Ақшалай төлемнен бөлек:

әлеуметтік осал топтар үшін мерекелік түскі ас - 366 адам; азық-түлік себетін тарату - 780 адам; шеберлік сабақтары, іс-шаралар мен сыйлықтар - 474 адамға қарастырылған.

Азық-түлік себеті:

Қарағандыда - әлеуметтік көмек бөлімі үйде қызмет көрсетін жалғызбасты зейнеткерлерге; Ақтоғай ауданында - аз қамтылған, көпбалалы отбасыларға, мүгедектігі бар адамдарға, зейнеткерлерге; Бұқар жырау ауданында - аз қамтылған, көпбалалы отбасыларға, мүгедектігі бар адамдарға, зейнеткерлерге; Қарқаралы ауданында - әлеуметтік көмек бөлімі үйде қызмет көрсетін жалғызбасты зейнеткерлерге беріледі.

Бұл іс-шаралар бюджеттен тыс қаражат есебінен қаржыландырылады.

Маңғыстау облысы

Маңғыстау облысында 15 000 теңге көлеміндегі әлеуметтік көмек "Алтын алқа", "Күміс алқамен" марапатталған, бұрын "Батыр ана" атағын алған немесе "Ана даңқы" I және II дәрежелі ордендері бар көпбалалы аналарға беріледі.

2026 жылы төлем алушылар саны шамамен 14 мың адам болады. Төлем наурызда жасалады.

Көмек жылына бір рет қалалық және аудандық мәслихаттардың шешімі негізінде беріледі.

Ұлытау облысы

Ұлытау облысында 8 наурызға арналған біржолғы көмек "Алтын алқа", "Күміс алқамен" марапатталған, бұрын "Батыр ана" атағын алған, сондай-ақ "Ана даңқы" I және II дәрежелі ордендері бар көпбалалы аналарға беріледі.

Төлем мөлшері - 20 000 теңге. Әкімдік мәліметінше, бұл санатқа 9 375 ана кіреді. Төлем жасауға 187 500 000 теңге бөлінген.

"Қазіргі уақытта Ұлытау облысында 110 928 әйел мен бойжеткен тұрады, бұл өңір халқының 50,7 пайызы", - деп хабарлады ведомство.

Шымкент

Шымкентте 8 наурызға орай 5 АЕК көлемінде - 21 625 теңге біржолғы төлем қарастырылған, деп хабарлайды Otyrar.kz.

Әкімдік мәліметінше, қолдау 2026 жылғы 8 наурызға дейін мегаполисте тұрақты тіркеуі бар және "Алтын алқа", "Күміс алқамен", "Батыр ана" атағымен, "Ана даңқы" I және II дәрежелі ордендерімен марапатталған әйелдерге беріледі.

"Барлығы 14 267 анаға қаржылай қолдау көрсету жоспарланып отыр", - деп хабарлады ведомство.

Төлем алушылар тізімі "Азаматтарға арналған үкімет" мемлекеттік корпорациясының деректері негізінде жасалған. Қаражат жергілікті бюджеттен бөлінеді.

Айта кетейік, биыл Халықаралық әйелдер күні - 8 наурыз жексенбіге сәйкес келеді. Еңбек заңнамасына сәйкес, егер мемлекеттік мереке демалыс күніне түссе, қосымша демалыс келесі жұмыс күніне ауыстырылады.

Демалыс кестесі:

Бес күндік жұмыс аптасы: 7, 8 және 9 наурыз - қатарынан үш демалыс (сенбі, жексенбі, дүйсенбі). 10 наурыз - бірінші жұмыс күні; Алты күндік жұмыс аптасы: 7 наурыз - жұмыс күні. 8 және 9 наурыз - демалыс.

Сілтемесіз жаңалық оқисыз ба? Онда Telegram желісінде парақшамызға тіркеліңіз!