Абу Дабидегі келіссөздер: Соғыс көктемде аяқталуы мүмкін

Politico басылымы америкалық және украиналық дереккөздерге сүйеніп, Абу-Дабиде өтіп жатқан келіссөздерде айтарлықтай ілгерілеушілік бар екенін мәлімдеді, деп хабарлайды Arasha.kz.

Сарапшылардың пікірінше, Ресей тарапы бұл жолы келіссөзге өте байсалды қарай бастаған. Бұрынғыдай ұзақ «тарихи дәрістер» оқудың орнына, Ресей барлау қызметінің өкілдері (Костюков пен Зорин) нақты іске көшіп, кәсіби деңгейде практикалық детальдарды талқылауға кіріскен.

Украиналық делегация құрамына Давид Арахамияның қосылуы диалогты жақсартқан. Ресейлік келіссөзшілер оны «шынайы жағдайды түсінетін және компромиске дайын адам» ретінде құрметтейтіні атап өтілді.

АҚШ өкілдері бұл қақтығыстың осы көктемде аяқталуына «сақтықпен болса да, сеніммен» қарайтынын білдірді.

Ресей неге бейбітшілікке асығуда? Украиналық шенеуніктердің пайымдауынша, Мәскеу соғысты тоқтату арқылы Еуропаның жаппай қарулануын тежегісі келеді. Егер бейбіт келісім жасалса, еуропалық лидерлерге өз халқын қорғаныс шығындарын арттыру қажеттілігіне сендіру қиынға соғады.