Адам өлтіруге тапсырыс берген күдікті Дубайда ұсталды

Ол еліміздің Қылмыстық кодексінің 99-бабы 2-бөлігі (Адам өлтіру) бойынша қылмыс жасады деген күдікпен халықаралық іздеуде жүрген.

Ол «Lenovo Қазақстан» компаниясының корпоративтік сату жөніндегі директорын қастандықпен өлтіруді ұйымдастырды деген күдікке ілінген.

Қылмысқа техника жеткізуге байланысты алынған қарыздық міндеттемелерді орындамау себеп болған.

Былтыр күзде Алматы облысы аумағында күдіктінің тапсырысы бойынша екі қаскөй аталған кісіні өлтірген. Айта кетейік, бұған дейін қылмысты жүзеге асырушылар да қамауға алынған болатын.

Айта кетелік 8,5 млрд теңгені жымқырған құрылыс компаниясының басшысы Ресейден экстрадицияланған еді.