Әділ сөз қорының президенті қызметінен кетті

Фото: yandex.kz

«Әділ сөз» медиа саласының барлық қатысушылары арасында кәсіби диалог орнатуға, заңнаманы жетілдіруге үлес қосуға және журналистердің мүмкіндіктерін кеңейтуге қызмет етіп келеді. Мұның бәрі – қор ұжымы заңды түрде мақтана алатын орасан зор институционалдық капитал. Соңғы үш жыл мен үшін тұтас бір дәуірмен тең болды. Бұл уақыт еліміздің медиа кеңістігіне, оның күшті тұстарына, сын-қатерлеріне және күн сайын өз ісін адал әрі кәсіби атқарып жүрген адамдарға жаңаша көзқараспен қарауға мүмкіндік берді. Әрине, оңай болған жоқ. Шаршаған, күмәнданған, эмоциялық тұрғыдан ауыр сәттер де болды. Бірақ көпшілікке көрінген де, өзіміз ғана білетін де үлкенді-кішілі ортақ жетістіктердің қуанышы әлдеқайда басым еді», деп жазды Қарлығаш Жаманқұлова.

Азат Перуашев «Ақ жол» партиясы төрағасы қызметінен кететінін мәлімдеді

Қордың экс-президенті ұжымға, елдің барлық өңіріндегі серіктестерге сенімі, қолдауы және бірге атқарған еңбегі үшін шынайы ризашылығын білдірді.

«Бүгін мен құрылтайшылар жиналысына Халықаралық сөз бостандығын қорғау «Әділ сөз» қоры президенті өкілеттігін тоқтату, сондай-ақ Құрылтай сайлауына кандидат ретінде ұсынылуыма байланысты рөлдер қақтығысының туындауына жол бермеу мақсатында құрылтайшылар құрамынан шығу туралы өтінішімді жолдадым», деп жазды ол.

«Астана» футбол клубының бас директоры қызметінен кетті

Сондай-ақ қордың бұрынғы президенті жақын уақытта құрылтайшылар жаңа басшыны сайлап, өз шешімдерін ресми түрде жариялайтынын айтты. Сондай-ақ «Әділ сөз» қоры Қазақстанда сөз бостандығын қорғау жолындағы өз маңызды миссиясын алдағы уақытта да абыроймен жалғастыра беретініне сенім білдірді.