Айзат Жұманованың ісіне қатысты сот үкімі шықты

Әйелін ұрып өлтірді деп айыпталған Айбар Жанболат 14 жылға бас бостандығынан айырылды. Бүгін Талдықорған соты Айзат Жұманованың ісіне қатысты үкім шығарды. 

Марқұмның күйеуі жазасын орташа қауіпсіздік деңгейіндегі түзеу мекемесінде өтейді. Сонымен қатар жәбірленуші тарапқа 20 миллион теңге көлемінде моральдық өтемақы өндіріледі. 

Еске салсақ, қылмыстық оқиға 2025 жылдың маусым айында Ақсу ауданының Баласаз ауылында болды. Қылмыстық іс бастапқыда «Абайсызда адам өліміне әкеп соқтыру» бабымен тіркелген. Алайда жәбірленуші тарап пен қоғамның наразылығынан кейін іс қайта сараланып, «Адам өлтіру» фактісі бойынша қаралды.

Әділет Бақытов, Сот төрағасы:

- Айбар Қайратұлы Жанболат ҚР ҚК 99 бабы 1 бөлігінде көрсетілген қылмыстық құқық бұзушылық жасағаны үшін кінәлі деп талынып, оған 14 жыл бас бостандығынан айыру жазасы тағайындалып, жазасын қылмыстық атқару жүйесінің орташа қауіпсіздік мекемесінде өтеу белгіленсін. Жанболатқа қолданылған күзетпен ұстау бұлтартпау шарасы өзгеріссіз қалдырылсын. Жаза өтеу мерзімі үкім заңды күшіне енген күннен бастап енгізілсін.