Академик Асқар Жұмаділдаевтың мерейтойына орай жас математиктер арасында олимпиада өтті

Алматыда жас математиктер арасында республикалық олимпиада ұйымдастырылып, жеңімпаздарды белгілі математик, Ұлттық ғылым академиясының академигі Асқар Жұмаділдаев марапаттады. Жарысты Beta High School жекеменшік мектебі ғалымның мерейтойына орай өткізді, деп хабарлайды Egemen.kz.

Сайысқа еліміздің түкпір-түкпірінен 100-ден аса мұғалім өтінім жіберді. Олимпиада қорытындысы бойынша 20 педагог үздік атанып, жеңімпаздарға дипломдар мен қаржылай сыйлықтар табысталды. Жалпы жүлде қоры – 2 000 000 теңге.

«Олимпиадаға біз Маңғыстау облысынан келіп қатыстық. Есептер өте қызық әрі күрделі болды. Жарыста мұғалімдердің академиялық адалдықты сақтауына үлкен мән берілді. Бәсекелестер де мықты, менен де тәжірибелі және білімді мұғалімдердің болғаны анық. Бірақ бағымыз жанып, 1-орын иелендік. Белгілі математик Асқар Жұмаділдаевтың қолынан марапат алуды үлкен мәртебе санаймын», дейді Маңғыстау облысынан қатысқан жүлдегер Бауыржан Кубеев.

Жеңімпаздардың бірі Асылан Мақұлбек те осындай олимпиадалардың маңызы жоғары екенін айтады.

«Білім сайысы мұғалімдердің білімін тексеріп қана қоймай, логикалық ойлау мен шығармашылық қабілетін арттырады. Мұндай алаңда біз өзара тәжірибе алмасамыз. Білімімізді сарапқа салуға мүмкіндік беретін осындай олимпиадалар жиірек өтіп тұрса жақсы болар еді», дейді ол.

Ұйымдастырушы, Beta High School директоры әрі математика мұғалімі Бақнұр Зиябековтің айтуынша мұндай олимпиада өскелең буын үшін де пайдалы.

Елордада республикалық олимпиада жеңімпаздары марапатталды

«Бізде ұлт тұлғаларының мерейтойында бәйге, көкпар, айтыс секілді үлкен тойлар өтіп жатады. Бұл жолы үрдіске өзгеріс енгізіп, Асқар ағамыздың 70 жылдығында олимпиада өткізуді жөн көрдік. Неге десеңіз, білімді өмірде қолдануды зерттейтін халықаралық PISA рейтингі бойынша біздің ел 80-орында тұр. Ал TIMSS бойынша үздік отыз елдің қатарындамыз. Бұл біздің балалар бәрін біледі, бірақ өмірде қолдана алмайды деген сөз. Математикалық сауаттылық көрсеткіші төмен дегенді білдіреді. Біз жарыста мұғалімдерге қолданбалы есептер беріп, олардың біліктілігін арттыруды көздейміз», дейді ұстаз.

Білім саласының сарапшысы Нұрлан Қиясовтың айтуынша уақыт талабы өзгеріп жатқандықтан енді жай ғана формуламен есеп шығару жеткіліксіз.

Астанада Халықаралық жасанды интеллект олимпиадасы өтеді

«Қазіргі таңда адамның математикалық білімі, әдістері мен логикасын өмірдегі қолданбалы мәселелерді шешу үшін қолдана білу қабілеті маңызды. Бұл математикалық сауаттылық деп аталады. Осы тұста қазақстандық білім беру жүйесінде түйткілді мәселелер бар. Математикалық сауаттылығы төмен мектеп түлектерінің үлесі әлі де жоғары. Түлектердің есеп шығара алғанымен, олардың 70%-ға жуығы математикалық сауаты төмен болып отыр. Бұл мұғалімдердің немесе оқушылардың кінәсі емес. Бізге пәндердің мазмұны мен оқыту әдістемесін түбегейлі қайта қарау қажет», дейді ол.

Олимпиада математика пәнін оқытудың қолданбалы деңгейін көтеріп қана қоймай, математика мұғалімі мамандығының беделін арттыруға ықпал етті.

Соңғы жаңалықтар

Жанармай нарығының болашағы: Сарапшылар баға қалыптастырудың сын-қатерлерін талқылады

Экономика • Бүгін, 17:35

Академик Асқар Жұмаділдаевтың мерейтойына орай жас математиктер арасында олимпиада өтті

Білім • Бүгін, 17:20

Қазақстанда 176 мыңнан астам адам жұмыстан кеткісі келеді: Себебі неде?

Қоғам • Бүгін, 17:07

Қазақстанда 19 мың шақырымнан астам инженерлік желі жөнделді

Энергетика • Бүгін, 16:50

Көктемгі әскерге шақыру: Өтінімді енді онлайн беруге болады

Қоғам • Бүгін, 16:19

ЖИ және мемлекеттік қызметтер: AlemGPT сервисінің мүмкіндіктері қандай?

Технология • Бүгін, 16:10

Флорида жағалауынан құны 1 миллион доллар болатын көне қазына табылды

Әлем • Бүгін, 15:53

Алматыда кәсіпкерлерге қысым көрсетпек болған қаруланған топ ұсталды

Оқиға • Бүгін, 15:48

Солтүстік Қазақстан облысында соңғы екі айда жол апатынан 10 адам қаза тапты

Аймақтар • Бүгін, 15:42

Иран Ормұз бұғазында тағы бір мұнай танкерін жойды

Әлем • Бүгін, 15:23

Шавкат Рахмоновтың әйелі 5 жылға сотталды

Заң • Бүгін, 15:03

Премьер-министр жасанды интеллектіні дамытудың негізгі бағыттарын атады

Технология • Бүгін, 14:51

Еліміздегі 272 елді мекенде су тасқыны қаупі әлі де сейілген жоқ

Аймақтар • Бүгін, 14:38

Алдағы күндері қай өңірлерде күн күрт жылынады?

Ауа райы • Бүгін, 14:28

Астаналық полицейлер бейнекамера арқылы жол ережесін бұзғандарды анықтады

Оқиға • Бүгін, 14:13

Барлық жаңалықтар