Алатауда тегін тағам аламын дегендер қысылып қалған: кафе иесіне айыппұл салынады

Алатауда жуырда кафенің ашылуында тегін тағам таратылғанда адамдар қысылып қалған. Алматы облысы полициясы бұл жағдайға пікір білдірді, - деп хабарлайды Tengrinews.kz тілшісі.

Алатауда жуырда кафенің ашылуында тегін тағам таратылғанда адамдар қысылып қалған. Алматы облысы полициясы бұл жағдайға пікір білдірді, - деп хабарлайды Tengrinews.kz тілшісі.

Оқиға 26 қазанда Алатаудағы Жетіген шағынауданында болған. Полицияның мәліметінше, мекеме әкімшілігі тұтынушыларды тарту үшін тамақтарды тегін тарату акциясын ұйымдастырған.

Акция жақын маңдағы жексенбілік базардың жұмысына дәл келіп, келушілер одан әрі көбейген. Шараға шақыру SMS арқылы кафенің тұрақты тұтынушыларына да жіберілген.

Тексеру акцияның әкімдікпен келісілмей өткізілгенін, бұл белгіленген ережелерді бұзатынын көрсетті. Бұдан бөлек, мекеме әкімшілігі қауіпсіздік шараларын қамтамасыз етпей, адамдар топтасуын бақылай алмаған.

"Мекеме иесіне қатысты әкімшілік іс қозғалды. Әкімшілік құқықбұзушылық туралы кодекстің 443-бабы 1-бөлігі бойынша қоғамдық тәртіпті қамтамасыз етуге байланысты талаптарды бұзғаны үшін кәсіпкер әкімшілік жауапкершілікке тартылып, айыппұл салынды", - деп хабарлады полиция департаменті.

Посмотреть эту публикацию в Instagram

Публикация от Almaty News (@almatynews_kaz)

Еске салайық, жақында Ақтау маңындағы қала маңында донерді тегін тарату да мұндай жағдайға ұласқан еді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!