Александр Вучич ресми сапармен Астанаға келді

ҚР Үкіметінің баспасөз қызметі хабарлағандай:

"Сербия Президенті Александр Вучич Қазақстан президенті Қасым-Жомарт Тоқаев шақыруымен ресми сапармен келді. Аэропортта Сербия Президентін ҚР Премьер-министрі Олжас Бектенов қарсы алды".

Ресми сапар аясында екі ел басшылары жоғары деңгейде саяси диалогты нығайту, сауда-экономикалық байланыстарды кеңейту және мәдени-гуманитарлық ынтымақтастық мәселелерін талқылайды.

Сербия – Қазақстан үшін Балқан түбегінде сенімді және тығыз серіктес. 30 жылдық дипломатиялық қарым-қатынас барысында екі ел арасында құрмет, сенім және өзара тиімді серіктестік негізінде достық байланыстар орнатылған. Өткен жылы Қазақстан мен Сербия арасындағы тауар айналымы 7,6% өсіп, 107 млн доллардан асты.

Естеріңізге сала кетейік, бұған дейін хабарланғандай, 2026 жылғы 26-27 ақпан күндері Александр Вучич ресми сапармен Астанаға келуі жоспарланған болатын.