Әлем елдеріндегі парламенттік жүйе

Әлемде бір палаталы жүйе көбіне унитарлы мемлекеттерде кездеседі.

Мұнда аймақтық бөлініс аса байқалмайды. Халық саны көп болмаса, екі палаталы парламенттің аса қажеттілігі жоқ деген тұжырымға келген.

Мәселен, Дания, Финляндия және Жаңа Зеландияда бір палаталы жүйе қалыптасқан. Бұл қос палатаны қаржыландыруға кететін шығынды азайтады. Бұдан бөлек қабылданған заңға бір ғана орган жауапты. Үкіметке шұғыл шешім қабылдауға мүмкіндік береді. Ал қос палаталы парламент мүдделер тепе-теңдігін сақтауға және заң жобаларын жан-жақты талқылауға жол ашады. Мұндай жүйе Еуропа, Солтүстік және Оңтүстік Америка, сондай-ақ Орталық Азия елдерінде көп кездеседі.