Әлемдік рейтинг жаңарды: теннисші Елена Рыбакина бірінші орынға жақындап келеді

Әйелдер теннис қауымдастығы (WTA) жаңартылған әлемдік рейтингті жариялады, – деп хабарлайды Aikyn.kz сайты.

Қазақстанның бірінші ракеткасы Елена Рыбакина өз позициясын сақтап, әлемнің екінші теннисшісі мәртебесінде қалды.

Қазіргі таңда Рыбакинаның еншісінде 8 056 ұпай бар. Ол рейтинг көшбасшысы, Беларусь өкілі Арина Соболенкодан небәрі 494 ұпайға қалып келеді. Соболенконың қоржынында 8 550 ұпай бар.

WTA рейтингінің үздік бестігі:

Арина Соболенко (Беларусь) – 8 550 ұпай;

Елена Рыбакина (Қазақстан) – 8 056;

Джессика Пегула (АҚШ) – 6 300;

Коко Гауфф (АҚШ) – 5 649;

Мирра Андреева (Ресей) – 5 293.

Қазақстанның екінші ракеткасы Юлия Путинцева жаңартылған рейтингте 79-орынға жайғасып, 904 ұпай жинады.

Басқа қазақстандық теннисшілер арасында Жібек Құламбаева 465-орында, Аружан Сағандықова 624-сатыда, ал Асылжан Арыстанбекова 941-орында тұр.