Алматыда 8 айға көкөністердің шекті бағасы белгіленді

АСТАНА, 10 қыркүйек – Sputnik. Алматыда әлеуметтік маңызы бар көкөніс өнімдерінің шекті бағасы белгіленді, деп хабарлайды Sputnik Қазақстан қала әкімдігінің ресми сайтына сілтеме жасап.

Әлеуметтік кәсіпкерлік корпорация мен Magnum Cash&Carry сауда желісі арнайы келісімге қол қойды. Оған сәйкес, 1 қыркүйектен бастап 2027 жылдың 30 сәуіріне дейін қалада көкөністер белгіленген бағамен сатылады.

Көкөністердің бір килограмына белгіленген шекті баға:

картоп – 214 теңге;

сәбіз – 208 теңге;

пияз – 139 теңге;

қырыққабат – 118 теңге.

"Шекті бағалар екі апта сайын қайта қаралады. Көкөніс өнімдерін Алматы қаласындағы Magnum желісінің дүкендерінен сатып алуға болады", - дейді әкімдік мамандары.

Келесі жылдың мамырына дейін Magnum Cash&Carry желісі арқылы 9 920 тонна көкөніс өнімін сату жоспарланған. Соның ішінде 4 960 тонна картоп, 1 760 тонна сәбіз, 2 000 тонна пияз және 1 200 тонна қырыққабат бар.