Алматыда Уақыт жаңғырығы көрмесі өтіп жатыр

Уақыт жаңғырығы. Алматыдағы Ұлттық Орталық мұражайда осындай тақырыппен Суретшілер одағының көрмесі өтіп жатыр. 

Мәдени шара қазақ бейнелеу өнерінің көрнекті тұлғалары Хакімжан Наурызбаев пен Молдахмет Кенбаевтың 100 жылдығына арналады. Биыл атақты суретші Николай Хлудов, Еркін Мергенов пен Төлеген Досмағамбетовтың да мерейтойлары. Экспозицияда 150-ге тарта суретшінің кескіндеме, графика, мүсін, қолөнер саласы бойынша шығармалары ұсынылды.  40-тан астам жұмыс онлайн көрсетілді. Туындылардан жаңашыл әдістерді, қазіргі заманғы көркем бейнелерді ашуға деген ұмтылыс байқалады. Қылқалам шеберлері  өнерсүйер қауымға композициялық және коллориттік шешім тапқан шығармаларын ұсынып отыр. 

Гүлнәр Жұбаниязова, ҚР Суретшілер одағы республикалық есеп көрмесінің кураторы:

- Реалистік жанр, авангард, абстрактілік жанр дейміз. Кейбір суретшілеріміз ішкі дүниесімен инсталяциялық жұмыстарын көрсетіп жатыр. Әсіресе мүсін өнерінен форма жағынан әртүрлі қиял ғажайып концепциясымен көрініп отырған суретшілеріміз бар. Ең үздік өзінің креативтік идеясымен композициялық шешімімен айтары бар сурешілер Әбілхан Қастеевтің алтын медалімен марапатталып отыр.