Астанада БҚО тарихи өлкетану музейінің көрмесі өтіп жатыр

«Пушкиннен Шолоховқа дейін: уақыт үндестігі». Астанада осындай атаумен Батыс Қазақстан облыстық тарихи-өлкетану музейінің көрмесі өтіп жатыр. Онда орыс әдебиетінің қос алыбы Александр Пушкин мен Михаил Шолоховтың Оралда пайдаланған тұрмыстық заттары, жәдігерлері қойылған. Сондай-ақ Ақ Жайық өңірінде жазылған «Капитан қызы» мен «Пугачев көтерілісінің тарихы» атты кітаптардың көне басылымдарын, сирек кездесетін құжаттардың көшірмелерін көруге болады. Басты мақсат Пушкин мен Шолоховтың шығармашылық мұрасын кеңінен насихаттау, олардың әдебиеттегі орны мен адамзаттық құндылықтарға қосқан үлесін көпшілікке таныстыру, дейді ұйымдастырушылар. Ұлттық музейдегі көрме 1 айға созылады.

Әсел Нәсіпқалиева, БҚО тарихи-өлкетану музейінің қызметкері:

- Бұл көрмеге 100 шақты экспонат қойылып отыр. Сол кездегі суреттер. Сонымен қатар Шолохов есімін әлемге танытқан «Тынық Дон» еңбегінің 1931 және 1945 жылдары жарық көрген еңбектерін осы көрмеге қойып отырмыз.