Астанада Ресей оқу орындарының көрмесі өтіп жатыр

АСТАНА, 28 наурыз – Sputnik. Астанада Ресей жоғарғы оқу орындарының оныншы көрмесі ашылды.

Іс-шара 28-29 наурыз аралығында "Русский домда" өтіп жатыр. Көрмеде бакалавриат, магистратура және мамандандырылған бағдарламалар бойынша кеңестер алуға болады. Ресейден барлығы 48 университет ұсынылған.

© Sputnik/ Ануар МаратовАстанада Ресей оқу орындарының көрмесі өтіп жатыр

Астанада Ресей оқу орындарының көрмесі өтіп жатыр

© Sputnik/ Ануар Маратов

"География әртүрлі: Мәскеу мен Санкт-Петербург, Томск пен Омбы, Тюмень мен Нижний Новгород, бүкіл Ресейден деуге болады. Бұл федералды, медициналық және экономикалық университеттер. Иркутсктен Санкт-Петербургке дейін", - деді көрме директоры Валерий Старченко.

Қазақстандық талапкерлер университеттерге бірнеше жолмен түсе алады, олардың ең танымалы - тегін қабылдауды ұсынатын Ресей үкіметінің квоталары.

"Кейбіреулері келісімшарт негізінде, ал басқалары академиялық алмасу арқылы қабылданады. Мысал ретінде біз Мәскеу ядролық физика университетінің филиалын алсақ, адамдар алғашқы үш жылда Қазақстанда, Алматыда оқуға мүмкіндік алады, содан кейін олар одан әрі оқу үшін Мәскеуге барады. Мұндай мысалдар көп, және осы мүмкіндіктердің барлығын зерттеу үшін көрмеге бару керек", - деді Старченко.

© Sputnik/ Ануар МаратовАстанада Ресей оқу орындарының көрмесі өтіп жатыр

Астанада Ресей оқу орындарының көрмесі өтіп жатыр

© Sputnik/ Ануар Маратов

Көрме директоры Ресей Қазақстан азаматтары үшін 800 білім беру квотасын бөлгенін, бірақ бұл санды көбейту көзделіп отырғанын айтты.

Көрмеге қатысқандар сондай-ақ Ресей үкіметінің квотасы бойынша қабылдау туралы ақпаратты біліп, сондай-ақ дайындық курстары мен университеттерге түсу емтихандары туралы біле алады.