Алматыда жүргізушілер үш күнде 1 400 рет заң бұзған

Тексеру барысында жолаушылар тасымалдайтын көлік жүргізушілері арасында ең жиі тіркелген заң бұзушылықтар мыналар болды:

• жолаушыларды тасымалдау қағидаларын бұзу — 178;
• көлік басқару кезінде ұялы телефон пайдалану — 84;
• міндетті техникалық байқаудан өтпеу — 66;
• техникалық ақауы бар көлікпен жүру — 56 дерек.

Сонымен қатар 19 жүргізушінің көлік басқару құқығы болмағаны анықталды. Мас күйде көлік тізгіндеген 11 адам ұсталып, қарсы бағыттағы жолаққа шыққан 7 жағдай тіркелді. Жалпы 39 көлік құралы мамандандырылған айыптұраққа қойылды.

Полиция өкілдері тасымалдаушылардың қызметіне бақылау алдағы уақытта да жалғасатынын мәлімдеді.

Еске салайық, бұған дейін Алматыда 34 жүргізуші қоғамдық көлік басқарудан шеттетілгенін жазған едік.