Алматыдағы Абай атындағы ҚАТОБ ты жұмысшылар қоршап алды: әкімдік не болып жатқанын түсіндірді

Алматыдағы Абай атындағы Қазақ ұлттық опера және балет театры (ҚҰОБТ) маңында жұмыс басталды: аумақта жұмысшылар мен құрылыс материалдары байқалды. Әкімдік жағдайға қатысты пікір беріп, нысанда нақты қандай жұмыстар жүргізіліп жатқанын айтты, - деп хабарлайды Tengrinews.kz.

Алматыдағы Абай атындағы Қазақ ұлттық опера және балет театры (ҚҰОБТ) маңында жұмыс басталды: аумақта жұмысшылар мен құрылыс материалдары байқалды. Әкімдік жағдайға қатысты пікір беріп, нысанда нақты қандай жұмыстар жүргізіліп жатқанын айтты, - деп хабарлайды Tengrinews.kz.

1 сәуірде Алматы тұрғындары ҚҰОБТ маңындағы қоршаулар мен "Уақытша қолайсыздықтар үшін кешірім өтінеміз" деген жазуы бар тақтайшаны байқаған. Сондай-ақ аумақта жұмысшылар мен құрылыс материалдары көрінеді.

Кейбір алматылықтар нысанның тағдырына алаңдап, "бұл жерде ауқымды реконструкция жоспарланып отырған жоқ па?" деген сұрақ туындаған.

Біз жағдайға байланысты пікір алу үшін қалалық әкімдіктің баспасөз қызметіне хабарластық.

Бізге ғимарат маңындағы брусчатка ауыстырылып жатқанын хабарлады.

"Әлеуметтік жауапкершілік аясында жеке компания күшімен негізгі кіреберістегі брусчатканы тегістеу жұмыстары жүргізіліп жатыр", - деп хабарлады баспасөз қызметі.

Таяу жылдары реконструкция бола ма деген сұрақты театрдың баспасөз қызметіне де қойдық. Ондағылар ресми сауал жолдауды өтінді.

Еске сала кетейік, қазір Алматыда бірнеше мәдени нысан қайта жөндеуден өтіп жатыр. Редакция бұл процесті мұқият қадағалап отыр, өйткені олардың төңірегінде мезгіл-мезгіл дау туындап тұрады.