Алматыдағы Әл Фараби даңғылында тұтас сызық пайда болды

Алматыдағы әл-Фараби даңғылында демалыс күндері жүргізушілер жаңа тұтас сызықты байқаған. Әлеуметтік желілерде жол белгісінің өзгергені түсірілген видео пайда болды, деп хабарлайды Tengri Auto.

Бейнежазбадан шеткі сол жақ жолақтың тұтас сызықпен бөлінгенін көруге болады, соның салдарынан жүргізушілер бұрынғыдай қатарлар арасында ауысып жүре алмайды. Бұл өзгеріс қозғалыстың жаңа сызбасына назар аударған автокөлік иелерінің наразылығын тудырды.

Instagram-дағы бұл жарияланымды көру

Акимат ALMATY PRESS (@almaty__press) жариялаған жазба

Алматы әкімдігі баспасөз қызметінің ақпаратынша, әл-Фараби даңғылының Esentai Mall маңындағы учаскесінде сауда орталығының аумағынан шыққан бойда көліктердің жолақ ауыстыруын шектейтін тұтас сызықтар сызылған.

Өзгерістер солтүстік бағыттағы Үшкемпіров көшесінен Есентай өзеніне дейінгі аралықта қолданылады.

"Бұған дейін СОО аумағынан шыққан соң жүргізушілер бірден көрші жолақтарға ауыса алатын. Бір мезетте жасалатын маневрлердің көптігінен көптеген көлік шеткі сол жақ жолаққа өтуге тырысатын, бұл қосымша кептеліс нүктелерін тудырып, учаскенің өткізу қабілетін төмендететін", - деп атап өтті ведомство.

Басқарма мәліметінше, жаңа жол белгісі шұғыл жолақ ауыстыру жағдайларын азайтып, осы учаскедегі қозғалысты реттеуге тиіс.

Жүргізушілерге жаңа жол белгілері мен көрсеткіштерге назар аударып, жол қозғалысы ережелерін сақтау ұсынылады.

Бізді Google-дың негізгі дереккөздер тізіміне қосыңыз