Алматыдағы әл Фараби даңғылында ірі жол апатынан кейін көлік өртеніп, кептеліс пайда болды: 25 қараша 2025, 10:25 жаңалықтар

25 қарашада таңертең Алматыдағы әл-Фараби даңғылында жаппай жол апаты болды, зардап шеккендер бар, - деп хабарлайды Tengrinews.kz тілшісі.

25 қарашада таңертең Алматыдағы әл-Фараби даңғылында жаппай жол апаты болды, зардап шеккендер бар, - деп хабарлайды Tengrinews.kz тілшісі.

Оқырмандар әл-Фараби даңғылындағы жол апатының кадрларын жіберіп жатыр. Куәгерлердің айтуынша, үш көлік соқтығысып, кейін біреуі өртеніп кеткен, зардап шеккендер бар.

Посмотреть эту публикацию в Instagram

Публикация от Специально для крис п | @kris_p_almata (@kris_p_almata)

Олардың сөзінше, өртке байланысты кептеліс пайда болған. 2GIS қосымшасындағы деректер мынадай:

Алматы Полиция департаменті мәліметінше, оқиға сағат 7:00-де Бостандық ауданында болған.

"Toyota көлігінің жүргізушісі әл-Фараби даңғылы бойымен келе жатып, қарсы бағытқа шығып кетіп, Lexus көлігімен соқтығысқан. Кейін жолда тоқтап тұрған Lexus-қа Hyundai көлігі келіп соғылған", – деп хабарлады полиция.

Ведомство өкілдері соққыдан кейін Toyota көлігі өртенгенін айтты.

"Апат салдарынан Toyota жүргізушісі мен жолаушысы, сондай-ақ Lexus жүргізушісі дене жарақаттарын алған", – деді полиция.

Сілтемесіз жаңалық оқисыз ба? Онда Telegram желісінде парақшамызға тіркеліңіз!