“AMANAT”: Білім саласына жасанды интеллект енгізілуде

Жиынға Астана қаласының мектеп және колледж директорлары, оқу ісі жөніндегі орынбасарлар, сондай-ақ бір музыкалық мектептің басшылары қатысты. 

 “AMANAT” партиясы қолдауымен Астана қаласы Білім басқармасы ұйымдастырған шараға DarynOnline компаниясы негіз болды. 

Нәтижесінде “AMANAT” партиясы мен ҚР Оқу-ағарту министрлігі біріккен «Ustazga AI» педагогтерге жасанды интеллектті оқу процесіне тиімді енгізу жобасы қолға алды. 

– Мемлекет басшысы Қасым-Жомарт Тоқаевтың «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Жолдауында «Жасанды интеллектімен жұмыс істеу құзіретін қалыптастыру әлдеқайда ерте жастан, яғни мектеп қабырғасынан қолға алынуға тиіс. Ұстаздардың жасанды интеллект технологиясын меңгеру дағдысын да қалыптастыру керек болады» деп атап айтқан болатын.

Осы бастаманы жүзеге асыру мақсатында Қазақстан Республикасы Парламенті Мәжілісінің және «AMANAT» партиясының Төрағасы Е. Ж. Қошанов биыл «Mұғалім Talks» кейс-платформасында мұғалімдерге арналған Daryn.ai платформасының іске қосылатынын сөз етті.

Жобаның басты мақсаты – мұғалімдерді жасанды интеллект технологияларын тиімді және жауапты қолдануға үйрету, олардың жұмыс жүктемесін азайтып, оқыту сапасын арттыру. Яғни, бұл дегеніміз – бағдарлама цифрландыру және білім берудегі тең мүмкіндіктерді қамтамасыз етуде нақты қадамның бірі.  Сондықтан бұл жоба өзінің нәтижесін беретініне сенімдіміз, -дейді «AMANAT» партиясының Астана қалалық филиалының атқарушы  хатшысы Мұхаммед Болысбек. 

Астана қаласы Білім басқармасына қарасты қала әкімдігінің әдістемелік орталығы басшысының орынбасары Жангелді Әмірғалиев жобаның үш негізгі кезеңнен тұратынын жеткізді.
Айтуынша, бірінші кезең – Daryn.ai платформасында тегін онлайн курс өтеді.

Яки,  «Жасанды интеллект педагогтың көмекшісі ретінде» атты тегін онлайн курс барлық қазақстандық мұғалімдерге арналады. Оқыту кестесі өңірлер бойынша 03.11-20.12.2025 аралығында кезең-кезеңімен жүргізіледі.

2-кезең – Педагогикалық хакатон.

Онлайн оқуды аяқтаған мұғалімдер арасынан үздік 400 педагог арнайы іріктеуден өтіп, «Мұғалім AMANAT» педагогикалық хакатонына шақырылады. Бұл кезеңде ұстаздар «Мектепке арналған ЖИ шешімі» тақырыбында өз жобаларын қорғайды. Ең үздік 20 жұмыстың мұғалімі халықаралық тағылымдамаға жолдама алады.

3-кезең – Халықаралық тағылымдама.

Хакатон жеңімпаздары 2026 жылдың маусым айында Оңтүстік Кореяда өтетін 7 күндік тағылымдамаға жіберіледі. 

– Мақсатымыз білім беру саласында ЖИ технологияларын енгізе отырып, мұғалімдердің жұмымын жеңілдету әрі әкімшіліктің жұмысын автоматтандыру. Мәселен, сабақ барысында пәннің жоспарын “5 сынып бөлешкті бөлу” деп тақырыбын тере салып, тез құрастыруға көмектеседі. Сөйьіп, көп уаөытын жоғалтпайды. Түйіндей айтар болсақ, халықаралық тәжірибесін зерделеп, оны қазақстандық мектептерге бейімдеу- деді Жангелді Әмірғалиев.

Осы курстың негізгі авторы - Алтынсарин атындағы ұлттық білім академиясы бар экс-вице президенті Руслан Қаратабанов.

сонымен қатар, жоба методистер мен IT мамандардың атсалысуымен жасалған.

- Курс 80 сағаттан тұрады. Бұл курсты оқыған мұғалімдер өз уақытын үнемдейді. Қызықты қылып, сабағын өткізуге, ойын ұйымдастыруға мүмкіндік туады, -дейді Daryn online компаниясының бас директоры Айбек Қуатбаев.

Жасанды интеллек бағытындағы  мектептің директоры бүгінгі диалогта көп нәрсе тақыланғанын айтты.
- Мектебімізге 5 жоба енгізіліп, соның арқасында білім ордасы толығымен сандық жүйеге көшті.  Соның бірі - ағылшын тілінде сабақ меңгерту. Мектепке кіргеннен бастап фейс АІDI, тіпті асханадағы төдем жасаудың бәрі сандық жүйеге көшті. Оқушыларға қауіпсіз орта қалыптастыру мақсатында мектепте антибуллингтік камералар орнатылған. Және балаларды ғылыми бағытында дамыту мақсатында "Артизан" компаниясы эксперименттік алаң ұйымдастырған. Соның нәтижесінде екі оқушымыз ғылымға үлесін қосты деуге болады. Бірі - жеке көмекші робот ойлап таса, екіншісі мектепке жүйе ендірді. Яғни әр оқушы білім сапасын, бағалауын және мұғаліммен чат-бот арқылы кері байланыс орната алады, -деді 

115 орта мектептің директоры Жұлдыз Рахметова.