Американы ақтүтек боран басты: 139 мың адам жарықсыз қалып, адам шығыны тіркелді

Egemen.KZ парақшасынан алынған ақпаратқа сәйкес, Qazaq24.com хабарлайды..

АҚШ-та соңғы 100 жылдағы ең күшті дауылдардың бірі – «Ферн» ел аумағын шарпыды, деп хабарлайды Egemen.kz.

Фото: DW

13 000-нан астам әуе рейсі тоқтатылған

Дауыл салдарынан елде 13 000-нан астам әуе рейсі тоқтатылды. Солтүстік-батыс, орталық және оңтүстік штаттарда боран, қар және мұз жаңбыр бірнеше күн бойы жалғасады деп болжанып оты.

24 қаңтар кешке қарай 139 мыңнан астам тұтынушы электр жарығынсыз қалды, бұл көрсеткіш күн санап өсіп келеді. Жарықсыз қалу оқиғалары көбіне Техас пен Луизиана штаттарында тіркелген. Нью-Йорк көшелерінен ауа райының салдарынан үш адамның мәйіті табылды – 67 жастағы ер адам, шамамен 30 жастағы жас жігіт және қарт әйел.

Төтенше жағдай енгізілді

Президент Дональд Трамп жағдайға байланысты Оңтүстік Каролина, Вирджиния, Теннесси, Джорджия, Солтүстік Каролина, Мэриленд, Арканзас, Кентукки, Луизиана, Миссисипи, Индиана, Батыс Вирджиния штаттарында федералды төтенше жағдай режимін бекітті. Ол азаматтарды «қауіпсіз және жылы жерде болуға» шақырды.

АҚШ Ішкі қауіпсіздік министрлігінің мәліметінше, дауыл кем дегенде 17 штат пен Колумбия округінде аса қиын ауа райы жағдайларын туғызды. 12 штатта дауыл салдарын жеңу үшін Ұлттық ұлан қызметкерлері жұмылдырылды.

Салдары 220 миллионнан астам тұрғынға әсер етуі мүмкін

АҚШ Ұлттық метеорологиялық қызметі оны «шектеусіз әрі ұзаққа созылатын қысқы дауыл» деп атаған. Метеорологтардың болжамынша, дауыл оңтүстік-шығыс штаттарда мұздануды күшейтіп, салдары жойқын апатқа дейін жетуі мүмкін. Нью-Йорк мэрі Зохран Мамдани қалада 20-23 см қар жауады және суық ауа райы қаңтар айының соңына дейін сақталады деп хабарлаған.

Болжам бойынша, дауылдың салдары АҚШ-тағы 220 миллионнан астам тұрғынға әсер етуі мүмкін.