Анасы мен қызын өлтірген: Алматыда ер адам өмір бойына бас бостандығынан айырылды

АСТАНА, 25 желтоқсан - Sputnik. Алматыда ер адам таныс әйелі мен оның 6 жастағы қызын өлтіргені үшін өмір бойына бас бостандығынан айырылды, деп хабарлайды қалалық сот.

Қайғылы оқиға қыркүйек айында болған. Отбасында жанжал болып, ер адам әйел мен оның қызын қатыгездікпен өлтірген.

"Ер адам өзінің танысы мен 6 жастағы қызын шойын қазанмен ұрып өлтірген. Әйел ауыр жарақат алып, ауруханада қайтыс болды. Оған мидың ашық жарақаты, бас сүйегінің сынуы және миға қан кету диагнозы қойылған", - дейді сотта.

Сотталушы марқұм әйелдің анасын да ұрып-соққан. Ол бірнеше операциядан кейін аман қалды. Ал жанжалға куә болған 6 жастағы қыз жасырынып қалған. Алайда сотталушы оны да тауып алып, соққыға жыққан. Жеткіншек есін жимастан ауруханада қайтыс болды.

Қанға боялған қазаннан сотталушының саусақ іздері анықталған. Алайда ол кінәсін мойындаған жоқ.

Сот ер адамды кінәлі деп тауып, өмір бойына бас бостандығынан айырды. Сот үкімі күшіне енген жоқ.

Айта кетейік, сотталушы бұған дейін кісі өлтіргені үшін сотталып, 8 жыл түрмеде отырған. Бірақ кейін шартты түрде босатылған.