Ақан Сатаев актер Мұрат Бисенбинді еске алды

Танымал режиссер әрі продюсер Ақан Сатаев 8 қаңтарда дүниеден өткен актер Мұрат Бисенбинге қатысты жүрекжарды жазбасын жариялады, – деп хабарлайды Aikyn.kz сайты.

«Бүгін біз қазақстандық кино тарихында үлкен із қалдырған тұлға — Мұрат Бисембинді терең қайғы мен алғыс айтып, еске аламыз. Өнерге қосқан үлесіңіз, адалдығыңыз және халық жүрегінде қалдырған ізіңіз үшін алғысымыз шексіз. Сіздің бейнеңіз кадрларда және соңғы титрлардан кейінгі үнсіздікте мәңгі өмір сүреді. Мәңгілік жадымызда», – деп жазды Сатаев.

Мұрат Бисенбин Ақан Сатаевтың кең танымалдылыққа ие болған «Рэкетир» фильмінде басты рөлді сомдаған еді. Бұл рөлі арқылы ол көрермен жүрегінен ерекше орын алған еді.

Белгілі болғандай, актер бір жылдан астам уақыт бойы қатерлі ісікпен күрескен. 2024 жылдың күзіне қарай диагнозы нақтыланып, шығармашылық жұмыстарын уақытша тоқтатуға мәжбүр болды. 2025 жылдың желтоқсанында ол инсульт алып, ауруханаға жатқызылған. Жақындары сол кезде-ақ оның жағдайы ауыр екенін мәлімдеген.