Ақбөкен мүйіздерін сақтау және тасымалдау: Заң бұзғандардың жауапкершілігі артады

Фото: Ашық дереккөз

Мәжілістің баспасөз қызметінің мәлімдеуінше, депутаттар бастамашы болған заң жобасы жануарлар дүниесін қорғау, өсімін молайту және пайдалану саласындағы мемлекеттік реттеуді жетілдіруге бағытталған. Атап айтқанда, қолдан немесе жартылай ерікті жағдайларда өсірілген сирек кездесетін және жойылып кету қаупі бар жануарларды тіркеу тәртібін белгілеу қарастырылады. Бұл заңсыз ауланған жануарларды заңдастыруға жол бермеуге ықпал етеді. Сондай-ақ осы салағы қоғамдық бақылау күшейтіледі.

Атырауда аңшылық кезінде ер адам серігін атып өлтірген 

Заң бойынша, аң аулау кезінде түнгі көру құралдарын, соның ішінде инфрақызыл, электрондық-оптикалық және тепловизиялық құрылғыларды пайдалануға, сондай-ақ қорықшының еріп жүруінсіз саңырауқұрлардың үйірге түсу кезеңінде жиналатын орындарында аң аулауға тыйым салынады. Аң аулау және жануарлар дүниесін пайдалану қағидаларын бұзғаны, соның ішінде жабайы жануарларды, өсімдіктер мен олардың дериваттарын, соның ішінде ақбөкен мүйіздерін заңсыз жарнамалағаны, тасымалдағаны, сақтағаны және өткізгені үшін жауапкершілік артады.

«Бұдан бөлек, инфрақұрылым объектілерін орналастыру және пайдалану кезінде жануарлардың мекендейтін ортасын, өріс аудару жолдарын сақтау және олардың құрып кету қаупіне қатысты талаптар белгіленеді. «Электр желілеріндегі құстарды қорғау құрылғылары» ұғымы енгізіледі. Жануарларға қатыгездік танытқаны үшін әкімшілік және қылмыстық жауапкершілік күшейеді», делінген хабарламада.

Заң жобалары бойынша жұмыс барысында депутаттар экологиялық талаптарды сақтай отырып, жекелеген аумақтарда ірі туристік жобаларды іске асыру мүмкіндігін, сондай-ақ Қазақстан азаматтары мен заңды тұлғаларына сүректі терең өңдеу және орман өрттерінің салдарын жою жөніндегі жобалар үшін ұзақ мерзімді орман пайдалану құқығын беруді көздейтін түзетулер енгізді.

Қосымша ретінде қорықшылар мен аңшылық шаруашылықтары басшыларының әкімшілік құқық бұзушылықтардың жолын кесу бойынша өкілеттігі кеңейеді, экологиялық құқық бұзушылықтарды тіркелген автоматтандырылған мониторинг жүйелерімен бақылау күшейтіледі.

Жануарларды қорғау және қоғам қауіпсіздігі: Қаңғыбас иттердің шабуылына қалай тосқауыл қоямыз?