АҚШ НАТО ның Украинаны қолдау шараларына көмектесуге міндетті емес Трамп

АСТАНА, 16 наурыз – Sputnik. Дональд Трамп АҚШ-тың НАТО бойынша одақтастарына Украинаны қолдау ісінде көмектесуге міндетті болмағанын айтты, деп хабарлады РИА Новости.

"Бізде НАТО бар... Біз сыпайы болдық. Біз оларға Украина мәселесінде көмектесуге міндетті емеспіз. Украина бізден мыңдаған шақырым қашықтықта орналасқан... Бірақ біз оларға көмектестік", - деді АҚШ президенті Financial Times газетіне берген сұхбатында.

Еске салайық, НАТО-ға мүше алты ел 2025 жылдың тамыз айынан бері Украина үшін АҚШ-тан қару-жарақ сатып алуға 2 миллиард доллар жұмсады.

Дональд Трамп бұған дейін Штаттар НАТО-ға қару-жарақты толық құнымен беретінін, кейін ол Украинаға жеткізілетінін мәлімдеген болатын.

Ал НАТО-ның бас хатшысы Марк Рютте Бейбіт келісімге қол қойылғаннан кейін бірден Украина аумағында шетел әскері орналастырылатынын хабарлады. Оның пікірінше, ұйымның қауіпсіздігі Украинаның қауіпсіздігімен байланысты.