АҚШ студенттерге, журналистерге және алмасу бағдарламаларына қатысушыларға виза беру шарттарын қатаңдатуда

АҚШ билігі визаның үш санаты бойынша қолданылу мерзімін шектейді. Студенттер мен алмасу бағдарламалары бойынша келген шетелдік елде төрт жылдан аспайтын уақыт, ал журналистер 240 күннен аспайтын мерзімде бола алады, деп хабарлайды Tengri Travel тілшісі Reuters агенттігіне сілтеме жасап.

Бұл туралы АҚШ-тың ішкі қауіпсіздік министрлігінің (МВБ) Федералдық тізілімде – Америка үкіметінің ресми құжаттар жинағында жарияланған хабарламасында айтылған.

Сөз визаның үш санаты туралы болып отыр: студенттік (F), алмасу бағдарламаларына қатысушыларға арналған (J) және журналистерге арналған (I) визалар. Студенттер мен алмасу бағдарламалары бойынша келгендер үшін кіру құжаттарының мерзімі төрт жылмен, ал журналистер үшін 240 күнмен (Қытай азаматтары үшін – 90 күнмен) шектеледі.